İran prezidenti Ruhani: ABŞ 83 milyon iranlının sağlamlığını girov götürüb

İran prezidenti Ruhani Finlandiya Prezidenti Sauli Niinistö ilə telfonla danışıb.

Sonxeber.az xəbər verir ki, İran prezidenti Həsən Ruhani ABŞ-ın yeni növ koronavirus şərtləri altında dərmanların gəlməsinin qarşısını alaraq "83 milyon iranlıının sağlamlığını girov götürdüyünü" söyləyib.

Avropa İttifaqı və Finlandiyadan ABŞ-ın İrana qarşı sanksiyalarını pisləməsini istəyən Ruhani "ABŞ Kovid-19 şərtləri altında dərmanların və zəruri maddələrin gəlməsinin qarşısını alaraq 83 milyon iranlını girov götürüb" deyib.

Nüvə sazişinin həyata keçirilməsinin çoxistiqamətli siyasət üçün yaxşı bir nailiyyət olduğunu amma ABŞ-ın müqavilədən birtərəfli şəkildə ayrılması razılaşmanın problemlərlə qarşı-qarşıya qaldığını vurğulayan Ruhani sözlərinə belə davam edib:

"Təəssüf ki, ABŞ heç bir mərhələdə yaxşı niyyət göstərmədi. Kovid-19 şəraitində də, İrana qarşı sanksiya və iqtisadi təzyiqlər tətbiq etməyə davam etdi. ABŞ bu yolun onlara fayda verməyəcəyini başa düşməlidir. Nüvə sazişinin dağılması hər kəsin zərərinədir".

İranın Beynəlxalq Atom Enerjisi Agentliyi ilə əməkdaşlığını davam etdirdiyini və araşdırmaçılarının nəzarəti altında nüvə fəaliyyətlərini həyata keçirdiyini ifadə edən Ruhani, Aİ ölkələrinin nüvə sazişində 11 maddəlik öhdəlikləri yerinə yetirəcəyi təqdirdə, razılaşmaya qoşulacaqlarını bildirib".

F.Ağayeva

Telegramda izləyin

instagramda izləyin