"Xəstəlik sürətlə artsa, xəstəxanalarda yer olmayacaq"-Asim Mollazadə
Hökumətin pandemiyanın ilk günlərindən qəbul etdiyi qərarlar və karantin rejiminin tətbiqi nəticəsində vəziyyəti nəzarət altında saxlamaq mümkün olmuşdur. Məhz bu səbəbdən karantin rejimindən mərhələli çıxmaq planı həyata keçirilməsinə artıq başlanılmışdır. Lakin vətəndaşların əksəriyyətinin son zamanlar karantin rejiminə əməl etməməsinə görə, yoluxanlar və sağalanların sayı arasında ciddi fərq yarandığı səbəbindən, karantin rejiminin yenidən sərtləşdirilməsi barədə təklif hazırlanmışdır.
Həftə sonları tam qapanma vətəndaşların sağlamlığını qorumaq məqsədini daşıyır. Qapanmanın yalnız həftənin 2 gününü əhatə etməsi, ölkədə kifayət qədər ərzaq ehtiyatının olması, həmçinin maskaların və tibbi spirtin Azərbaycan Respublikasında istehsalının təşkili vətəndaşlarımızın heç bir narahatçılığın olmamasına xidmət edir.
Cənab Prezident İlham Əliyevin 03.06.2020-ci il tarixində Tərtərdə Dövlət Rəmzləri Muzeyinin açılışında iştirak edərkən maskadan istifadə etməsi hər bir Azərbaycan vətəndaşı üçün nümunə olmalıdır. Hər bir vətəndaş öz şəxsi məsuliyyətini hiss etməli, Operativ Qərargahın tələb və tövsiyələrinə riayət etməldir.
Bununla bağlı Sonxeber.az-a Milli Məclisin deputatı Asim Mollazadə danışıb:
"Bir sıra vətəndaşlar qoruyucu maska taxmayaraq, sosial məsafəni gözləməyərək çox ciddi şəkildə epidemiyanın canlanmasına səbəb oldular. Nəticədə infeksiya sürətlə yayıldı və mənə elə gəlir ki, yenidən vəziyyəti dəyişdirmək, izolyasiya və karantin müddətini artırmaq lazımdır. Vətəndaşa müraciət edirəm və bildirirəm ki, vəziyyət təhlükəlidir. Öz sağlamlıqlarını, yaxınlarının həyatını qorumaq üçün mütləq karantin rejiminin tələb tələb etdiyi şərtlərə onlar da riayət etməlidirlər. Hamı maska və əlcək taxmalıdır, şənbə-bazar günləri verilən qərara uyğun olaraq karantin qaydalarına əməl etməlidir".
Deputat Asim Mollazadə virusun artacağı təqdirdə xəstəxanalarda yer olmayacağı ilə bağlı da açıqlama verib:
"Xəstəlik sürətlə artsa, xəstəxanalarda həyatları xilas etmək üçün yer olmayacaq. Ona görə də vəziyyətə çox ciddi yanaşmaq lazımdır. Mən hamını rejimə riayət etməyə çağırıram".
Şəlalə Babayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş