Liviyada neft istehsalı sahələri yenidən AÇILACAQ

Liviyanın cənubundakı Şerare və əl-Fil neft yataqlarının yenidən istismara veriləcəyi açıqlanıb.

Sonxeber.az xarici KİV-ə istinadən xəbər verir ki, Liviya Müdafiə Nazirliyinin tabeliyində olan Neft Təsisatları Qoruma Agentliyinin rəsmisi Ali el-Zib, "Əl-Əhrar" telekanalında cənub Şerare və el-Fil neft sahələrinin tezliklə açılacağını elan edib.

Zib, uzun müddət qapalı olan neft yataqlarının nə vaxt açılacağı barədə isə məlumat verməyib.

Bu ilin əvvəlindən bəri hasilatın dayandırıldığı Şerare neft yatağında hər gün 300 min barel xam neft hasil edilib.

Şerare və Fil neft yataqları hələ də ölkənin şərqində olan qanunsuz silahlı qüvvələrin lideri Xəlifə Xəfterə bağlı qüvvələrin nəzarəti altındadır.

Neft gəlirlərindən faydalanmadığını iddia edən Xəftər tərəfi bu ilin əvvəlində cənub neft yataqlarını və Aralıq dənizindəki bəzi neft ixrac limanlarını tutaraq hasilatı dayandırıb.

F.Ağayeva

Telegramda izləyin

instagramda izləyin