Qaxda avtomobil azyaşlını vurdu - YENİLƏNİB

Qaxda 12 yaşlı velosipedçini avtomobil vurub.

Sonxeber.az APA-ya istinadən xəbər verir ki, hadisə axşam saatlarında rayonun Qaxbaş kəndində baş verib.

12 yaşlı Luka Poladaşvili idarə etdiyi velosipedlə yolla hərəkətdə olarkən eyni istiqamətdə hərəkətdə olan və rayon sakini, 27 yaşlı Rüstəm Yunus oğlu Qədirovun idarə etdiyi "VAZ 2106" markalı minik avtomobili tərəfindən vurulub. Qəza zamanı müxtəlif dərəcəli ağır bədən xəsarətləri alan L.Poladaşvili Qax Rayon Mərkəzi Xəstəxanasının Reanimasiya şöbəsinə yerləşdirilib, vəziyyəti ağır qiymətləndirilir.

Faktla bağlı Qax Rayon Polis Şöbəsində araşdırma aparılır.

***

09.06.2012
20:53

Qaxda yolu keçmək istəyən 12 yaşlı uşağı avtomobil vurub.

Sonxeber.az APA-ya istinadən xəbər verir ki, hadisə axşam saatlarında rayonun Qaxbaş kəndində baş verib.

12 yaşlı Luka Poladaşvili yolu keçmək istəyən zaman minik avtomobili tərəfindən vurulub. Qəza zamanı müxtəlif dərəcəli ağır bədən xəsarətləri alan L.Poladaşvili Qax Rayon Mərkəzi Xəstəxanasının Reanimasiya şöbəsinə yerləşdirilib, vəziyyəti ağır qiymətləndirilir.

Faktla bağlı Qax Rayon Polis Şöbəsində araşdırma aparılır.

Telegramda izləyin

instagramda izləyin