Boltonla Putinin Moskvadakı görüşünün PƏRDƏARXASI-RƏY

Boltonla Putinin Moskvadakı görüşünün PƏRDƏARXASI-RƏYABŞ prezidenti Donald Trampın keçmiş müşaviri Con Boltonun yeni yayınlanan qalmaqallı kitabı haqqında çox danışılır. Bolton kitabındakı misallarla Trampın siyasətdə naşı olduğunu göstərib. Trampın Finlyandiyanın Rusiya ərazisi hesab etməsindən tutmuş Böyük Britaniyanın nüvə silahına malik olması barədə məmulatlı olmamasına dair fikirlər var kitabda. Ancaq Boltonun kitabında diqqəti daha çox onun Moskvaya səfəri zamanı Rusiya prezidenti Vladimir Putinlə danışıqlarındakı bir neçə detal çəkib.

Bu barədə politoloq Elxan Şahinoğlu Sonxeber.az-a danışıb.

Politoloq bildirib ki, Rusiya ilə İran tərəfdaşdılar və Suriyada birgə hərəkət edirlər. Ancaq Putinin Boltona söylədiklərindən aydın olur ki, Putinin İrana etibarı yoxdur:
"Məsələn, Putin Boltona bunları deyib: "Trampa çatdırın ki, iranlıların Suriyada varlığından Rusiya heç nə qazanmır. İranın Suriyada fərqli maraqları var. İran Livanda şiə qrupları dəstəkləməklə bizim maraqlarla tərs düşür. İranın mövqeyi rusların Əsədə verdiyi dəstəyə də problemlər yaradır. Biz Suriyada xaos istəmirik. İranın isə Suriyada geniş maraqları var. Bu məsələni mən İsrailin baş naziri Benyamin Netanyahu ilə də müzakirə etmişəm".

Şübhə etmirəm ki, İran rəsmiləri və din xadimləri Putinin Boltona İranla bağlı söylədiklərini diqqətlə oxuyacaqlar. Putinin İranı İsrailin baş naziri ilə müzakirə etməsi də Tehranın heç xoşuna gılməyəcək. Ötən il bu vaxt Tehranda idim. Bu ölkənin diplomatları, deputatları və siyasi ekspertləri ilə görüşlərdən gəldiyim qənaət bu oldu ki, heç Tehranın da Rusiyaya və onun Suriyadakı siyasətinə inamı yoxdur.

Putin Boltonla söhbətdə Ukrayna mövzusuna da toxunub. Boltonun sözlərinə görə, əgər Moskvadakı danışıqlarda Suriya mövzusunda iki tərəf nəsə ortaq nöqtələr tapa bilirdilərsə və bunlardan biri İŞİD-ə qarşı mübarizə idisə, Ukrayna mövzusunda tam əks fikirdə olublar. Buna baxmayaraq, Putinin Boltona Krımla bağlı söylədiyi fikir diqqəti çəkir. Putin ABŞ-ın keçmiş prezidenti Barak Obamanın ona vədini xatırladıb: "Barak Obama 2014-cü ildə mənə vəd etmişdi ki, Rusiya Krımla kifayətlənsə, münaqişəyə son qoyacaq və Amerika mövcud vəziyyəti qəbul edəcək. Ancaq Barak Obama vədini yerinə yetirmədi və indiki böhranlı duruma gəlib çıxdıq".

Görünür, Obama Putinə anlatmaq istəyib ki, Rusiya Donbasdakı separatizmə dəstək verməsə və bu bölgəni Ukraynanın ərazisi kimi tanısa, Vaşinqton Krımın ilhaqına göz yummağa hazırdır. Ancaq məsələ burasındadır ki, Putin Krımla kifayətlənmədi, Ukraynanın parçalanması planını işə saldı. Elə ona görə də Barak Obama vədindən vaz keçdi. Ancaq əgər Putin Donbass əməliyyatına başlamasaydı belə, ABŞ Konqresi, diplomatları və generalları Barak Obamaya Krımın ilhaqını qəbul etməyə imkan verməyəcəkdilər.

Con Boltonun sözlərinə görə, onunla Putin arasında görüş saat yarım çəkib və görüşün sonunda hərə öz mövqeyində qalıb. Bundan bir neçə gün sonra Putin amerikalı həmkarı Donald Trampla Finlyandiyada görüşüblər. Bolton yazır ki, həmin görüşün az qala 90 fazində ancaq Putin danışıb. Putin həmin görüşdə yenə İran mövzusuna qayıdaraq ABŞ-ın nüvə anlaşmasından çıxmasının onu az narahat etdiyini bildirib.

Con Boltonun kitabı bir daha göstərir ki, böyük dövlətlərin liderləri bağlı qapılar arxasında problemli məsələləri necə həll etməyə çalışırlar. Obama Krımı güzəştə getməyə hazır olduğunu bildirir, Putin isə İranla Suriyadakı tərəfdaşlığın Rusiya üçün faydalı olmadığını etiraf edir. Con Bolton müşavir olduğu dönəmdə Azərbaycan və Ermənistanda da səfərdə olub. Onun bu səfər və görüşləri barədə qeydlərini oxumaq da maraqlı olardı, əgər keçmiş müşavir kitabda Cənubi Qafqaza səfəri barədə yer ayırmağı lazım bilibsə..."

F.Ağayeva


Sonxeber.az Telegramda izləyin
Siyasət   Baxılıb: 975   Tarix: 25 iyun 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Ermənilər atəşkəsi 30 dəfə pozdu

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı silahlardan və snayper tüfənglərindən də istifadə etməklə, sutka ərzində atəşkəs rejimini 30 dəfə pozub.. . Bu barədə Müdafiə Nazirliyi məlumat yayıb.. . Bildirilib ki, Ermənistan Respublikası Çəmbərək rayonu ərazisindək

25 iyun

"ABŞ-da tarixi şəxsiyyətlərin heykəllərinə edilən hücum tarixin bir səhifəsini silməkdir"-RƏY

ABŞ-da başlayan irqçiliyə qarşı hərəkat tarixin təftiş olunması və bir çox tarixi şəxsiyyətlərin heykəllərinə hücumlara çevrilib. Hazırda ABŞ və Avropada bir çox tarixi şəxsiyyətlərin heykəlləri dağıdılır.. . ABŞ Prezidenti Donald Tramp abidələri dağıdan və ya korlayanların həbs olunmasına əmr verib

24 iyun

Prezident Ziyad Səmədzadə ilə bağlı SƏRƏNCAM İMZALADI

Prezident İlham Əliyev Ziyad Səmədzadənin 1-ci dərəcəli "Vətənə xidmətə görə" ordeni ilə təltif edilməsi haqqında. sərəncam imzalayıb.. . Sərəncamda deyilir:. . Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:. . Azərbaycan Respublikasını

24 iyun

Prezident 13,8 milyon manat ayırdı

Prezident İlham Əliyev Gəncə Dövlət Dram Teatrının tikintisinin davam etdirilməsi ilə bağlı əlavə tədbirlər haqqında Sərəncam imzalayıb.. . Sərəncamla Gəncə Dövlət Dram Teatrının 500 yerlik yeni binasının tikintisinin davam etdirilməsi məqsədilə "Azərbaycan Respublikasının 2020-ci il dövlət büdcəsind

24 iyun

Prezident İlham Əliyev və birinci xanım Mehriban Əliyeva Gəncə şəhərində səfərdədirlər

Azərbaycan Respublikasının Prezidenti İlham Əliyev və birinci xanım Mehriban Əliyeva iyunun 24-də Gəncə şəhərinə səfərə gəliblər.. . Sonxeber.az AZƏRTAC-a istinadən bildirir ki, dövlətimizin başçısı və birinci xanım ümummilli lider Heydər Əliyevin Gəncə şəhərinin mərkəzində ucaldılmış abidəsini ziyarə

24 iyun

"ABŞ konqresmenlərinin bəziləri erməni lobbisi tərəfindən maliyyələşdirilir"-RƏY

ABŞ Nümayəndələr Palatasının Qiymətli Kağızlar Komitəsinin 2021-ci il maliyyə məsələləri üzrə onlayn görüşündə koqnresmen Bred Şerman Qarabağa 1,5 milyon dollar ayrılmasını istəyib. "Minalardan təmizlənməni maliyyələşdirdik, istər mina təmizlənməsi, istər səhiyyə və təhsil sahəsindəki proqramları

24 iyun

General Zakir Həsənovun verdiyi müsahibədəki VACİB MƏQAMLAR-Politoloq AÇIQLADI

Müdafiə naziri Zakir Həsənovun verdiyi son geniş müsahibələr çox vacib idi. Çünki cəmiyyətdə xeyli suallar yığılmışdı. Zakir Həsənovun eyni gündə iki televiziya kanalına Azərbaycan və rus dillərində müsahibə verməsinin də xüsusi əhəmiyyəti var. Görünür, müdafiə naziri onun mesajlarının Azərbaycan cəmiyyət

24 iyun

Prezident İlham Əliyev bir qrup dövlət qulluqçusunu təltif etdi - SİYAHI

Prezident İlham Əliyev "Dövlət qulluqçularının təltif edilməsi haqqında" sərəncam imzalayıb. . . Sonxeber.az xəbər verir ki, sərəncamla dövlət qulluğunda səmərəli fəaliyyətlərinə görə aşağıdakı şəxslər təltif ediliblər:. . 2-ci dərəcəli "Vətənə xidmətə görə" ordeni ilə. . Abasov

23 iyun

Müdafiə Nazirliyi cəbhədəki vəziyyətlə bağlı məlumat yaydı

Ermənistan silahlı qüvvələrinin bölmələri sutka ərzində cəbhənin müxtəlif istiqamətlərində iriçaplı silahlardan da istifadə etməklə atəşkəs rejimini 27 dəfə pozub.. . Sonxeber.az Müdafiə Nazirliyinə istinadən xəbər verir ki, Ermənistan Respublikası Çəmbərək rayonu ərazisindəki adsız yüksəkliklərdə yerləşə

23 iyun