Sərt karantin rejimi 20 iyula qədər uzadılır?- AÇIQLAMA

Hazırda Azərbaycanda koronavirusla mübarizə çərçivəsində əsas vəzifə yoluxma hallarının artım dinamikasını dayandırmaq və bu sahədə müsbət tendensiyaya, yoluxma hallarının azalmasına nail olmaqdır. Karantin rejimi sərtləşdiriləndən sonra yeni yoluxma hallarında kəskin artım dinamikası dayanmış və gündəlik orta rəqəm 520-550 arasında müəyyənləşmişdir. Əvvəlki təcrübəyə əsasən demək olar ki, karantinin ilkin təsiri onu tətbiq edəndən bir müddət sonra daha aydın görünməyə başlayır. Bu mənada, qarşıdan gələn günlərdə yoluxma hallarının sayında enmənin müşahidə olunması ehtimalı çox böyükdür. Sərt karantin rejimi iyulun 20-ə kimi yenidən uzadıla bilərmi?

Bununla bağlı Sonxeber.az-a danışan Aydın Mirzəzadə bildirib ki, hələ sərt karantin rejimin bitməsinə bir neçə gün var:

"Tətbiq olunan sərt karantin rejiminin nəticələri iyulun 5-dən sonra bilinəcək. Yaxşı olardı ki, koronavirusa yoluxanların sayı bir neçə dəfə aşağı düşsün. Çünki bu rəqəmlər Azərbaycan üçün böyükdür. Koronavirusla mübarizədə həm dövlətin, həm də vətəndaşların üzərinə böyük yük düşür. Dövlət öz üzərinə düşən bütün işləri həyata keçirir. Əlavə işlər də görülməkdə davam edir. Bununla yanaşı hər birimiz sadə qaydalara əməl etməklə koronavirusa qalib gələ bilərik. Qoruyucu tibii maskalardan istifadə etməklə, sosial məsafəni qorumaqla, sanitar-gigyenik qaydalara əməl etməklə, lazım olmadıqca insanların kütləvi toplaşdığı yerlərdən uzaq olmaqla koronavirusu həyatımızdan silə bilərik. Qaldı ki, sərt karantin rejiminin iyulun 20-nə kimi uzadılmasına bu barədə qərar vermək Operativ Qərargahın səlahiyyətindədir. Operativ Qərargah gündəlik yoluxanların və ölənlərin statistikasını analiz etdikdən sonra ən doğru qərar verəcək. Bizim üzərimizə düşən Operativ Qərargahın qoyduğu qaydalara və versidi tövsiyələrə əməl etməkdir".

Aysel Yusifqızı

Telegramda izləyin

instagramda izləyin