DİM-dən şagirdlərə XƏBƏRDARLIQ: imtahan prosesində bu, qadağandır

DİM-dən şagirdlərə XƏBƏRDARLIQ: imtahan prosesində bu, qadağandırDövlət İmtahan Mərkəzi 2-3 iyulda ümumi (9 illik) və tam (11illik) orta təhsil səviyyəsi üzrə növbəti buraxılış (qəbul) imtahanları keçirəcək.

Mərkəzdən Sonxeber.az-a verilən məlumata görə, imtahanlar saat 11:00-da başlanır.

İmtahanların başlanmasına 15 dəqiqə qalmış – saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.

Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.

İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün proses (buraxılış rejimi, imtahan müddəti, imtahan binasının tərk edilməsi) boyu istifadə olunmalıdır.

Şagirdlər (abituriyentlər) imtahana aşağıdakı sənədləri gətirməlidirlər:

- İmtahana buraxılış vərəqəsi;

- Sağlamlıq haqqında bəyannamə (buraxılış vərəqi ilə birlikdə çap edirsiniz və imzalayırsınız. İmtahana buraxılış vərəqəsi şagirdin özündə saxlanıldığı, sağlamlıq haqqında bəyannamə isə imtahan nəzarətçisinə təhvil verildiyi üçün hər iki sənəd ayrıca vərəqdə çap olunmalıdır);

- Şəxsiyyəti təsdiq edən sənədin əsli:

a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).

İmtahanda iştirak edəcək şagirdlər (abituriyentlər) "İmtahana buraxılış vərəqəsi"ni internet vasitəsilə DİM-in saytından iyunun 26-dan etibarən çap edib götürə bilirlər. Buraxılış vərəqəsi ilə yanaşı onlara "Yaddaş kitabçası" da təqdim olunur. Burada şagirdlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.

İmtahanlar 2 və 3 iyul tarixlərində respublikanın 28 şəhər və rayonunda keçiriləcək.

Xatırladaq ki, imtahan keçirilən şəhər və rayonlarda ümumilikdə 138 imtahan binası, 2345 imtahan zalı ayrılıb. İmtahanların idarə olunmasına 138 ümumi imtahan rəhbəri, 374 imtahan rəhbəri, 3055 nəzarətçi–müəllim, 276 buraxılışı təşkil edən əməkdaş, 138 bina nümayəndəsi ayrılıb.

İyulun 2-də keçiriləcək imtahanlarda 13450, iyulun 3-də keçiriləcək imtahanlarda isə 15526 nəfər olmaqla, ümumilikdə 28976 şagirdin (abituriyentin) imtahanlarda iştirakı nəzərdə tutulur.

Hazırda imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə onlayn şəkildə təlim-seminarlar keçirilir. Bütün imtahan binalarına baxış keçirilib, imtahan zallarında abituriyentlərin rahat şəkildə imtahan verməsi üçün zəruri şərait yaradılıb.

Bundan əlavə, Mərkəz tərəfindən pandemiya şəraitinin tələblərinə uyğun olaraq imtahan binalarında bir sıra profilaktik tədbirlər (binaların və otaqların dezinfeksiyası, hər bir otağa düşən iştirakçı sayının sosial məsafə prinsipinə uyğun şəkildə tənzimlənməsi, imtahan heyətinin müvafiq qoruyucu vasitələrlə (xüsusi geyim, əlcək, tibbi maska) təmin olunması həyata keçirilib.

Təhlükəsizliyin təmin edilməsi məqsədilə imtahan mərkəzlərinə imtahan günündən 2 gün əvvəl də təkrar baxış keçiriləcək və imtahan zalları, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarının mühafizəsinə veriləcək.

Ehtiyat tədbirləri çərçivəsində imtahan binasına daxil olan iştirakçılarının məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaqdır. İmtahana bədən hərarəti 37°C-dən aşağı olan şəxslər buraxılır.

İmtahan iştirakçıları imtahan binasına daxil olmaq üçün yoxlamadan keçərkən sosial məsafəni saxlamaqla şəxsiyyətini təsdiq edən sənədi, üst tərəfini DİM əməkdaşının görəcəyi şəkildə ona tərəf uzatmalı və müvəqqəti olaraq maskasını çıxardaraq üzünü göstərməlidir.

DİM tərəfindən pandemiya şəraitinin tələblərinə uyğun imtahanların keçirilməsi qaydaları ilə bağlı maarifləndirici videoçarx və davranış qaydaları ilə buradan tanış ola bilərsiniz.


Sonxeber.az Telegramda izləyin
Sosial   Baxılıb: 1103   Tarix: 30 iyun 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

İsti havada necə qidalanmalı? - Ekspert 4 sirri açıqladı

Əgər bütün yayı meyvə-tərəvəz yeməyə hazırsınızsa, əlinizi qaldırın, amma çoxları deyir ki, belə qidalanma tərzinə üstünlük verənlər gündə 5 dəfə qidalanmalıdır. Bu, doğru deyil.. . Sonxeber.az məşhur bloger və qidalanma mütəxəssisi Arina Nikiforovanın istidə düzgün qidalanma ilə bağlı verdiyi məsləhətlərl

30 iyun

Qızı zorla ərə vermək istədilər, polis çağırdı - FOTO

Türkiyənin Adana şəhərində yaşayan bir qız polisə zəng edərək, zorla ərə verildiyini bildirib.. . "İhlas Haber Ajansı" (İHA) xəbər verir ki, 22 yaşlı Ceylan Beyazkaya anası və qohumları tərəfindən zorla evləndirilmək üçün nikah mərasiminə gətirilib.. . Bu zaman qız polisə xəbər verib. Nika

30 iyun

Diyetoloqlar gündəlik qida rasionuna ağartı məhsullarının daxil edilməsini məsləhət görürlər

İsti havada süd, qatıq, kefir, smetan və digər süd məhsullarından sərinləmək üçün çox istifadə edilir. Onlar maddələr mübadiləsini tənzimləyir, həzm prosesini asanlaşdırır. Tərkibində B1, B2, B12 və D vitaminləri olan ağartı məhsulları mədə-bağırsaq xəstəlikləri yaradan mikrobları məhv edir.. . Süd v

30 iyun

Rusiyalı müğənni koronavirusa yoluxdu

Özbəkistan və Koreya əsilli rusiyalı müğənni, aktrisa, teleaparıcı Anita Tsoy koronavirus şübhəsi ilə xəstəxanaya yerləşdirilib.. . Oxu.Az xəbər verir ki, bunu onun mətbuat katibi Anna Krujel deyib.. . . A.Krujelin sözlərinə görə, pandemiyanın ilk günlərindən Anita bütün tədbirlərə əməl edib: "Onu

30 iyun

Maşınların üstündə "İrqçiliyə son!" yazılacaq

"Formula-1" yarışlarının məşhur iştirakçısı, 8 dəfə dünya çempionu olmuş Almaniyanın "Mercedes" (Mercedes AMG Petronas Motorsport) komandası irqçilik əleyhinə kampaniyaya qoşulub.. . "Mercedes" komandasının üzvləri qarşıdan gələn dünya çempionatında irqçilik əleyhinə etira

30 iyun

Koronavirus xəstələrinin tullantıları bu kəndə atılır? - VİDEO

Şamaxının Göylər kəndinin sakinləri neçə gündür təlaş içərisindədir. Yaşayış məntəqəsinin giriş hissəsinə naməlum şəxs və ya şəxslər tərəfindən atılan tullantılar insanların kabusuna çevrilib.. . Məsələ burasındadır ki, son bir neçə gündə əraziyə haradan gəldiyi məlum olmayan tibbi tullantılar atılır

30 iyun

Koronavirusu yüngül keçirtdiyimizi necə anlaya bilərik? – ƏLAMƏTLƏRİ

Bütün dünyada koronavirusla mübarizə davam edərkən, ölüm sayı durmadan artmaqdadır. Digər tərəfdən də koronavirusa yoluxan, lakin bundan xəbəri olmayan şəxslərin də sayının kifayət qədər çox olduğu deyilir. Həmin şəxslər bir növ daşıyıcı funksiyasını yerinə yetirərək, istəmədən də olsa ətrafında olanlar

30 iyun

Rusiyada koronavirusa qarşı peyvəndin effektivliyi açıqlandı

Koronavirusa qarşı Rusiyada hazırlanan peyvəndin üç prototipi sınaqlardan uğurla keçib və immun reaksiya meydana gətirmə qabiliyyəti ilə bağlı effektivliyini göstərib.. . "RİA Novosti"nin məlumatına görə, bu barədə Rusiyada "Vektor" mərkəzinin direktoru Rinat Maksyutov bildirib.

30 iyun

İran COVID-19 vaksinini insan üzərində sınaqdan keçirməyə başlayır

İran koronavirusun (COVID-19) vaksininin istehsalı sahəsində böyük addımlar atıb və tezliklə bu vaksinin insan üzərində sınaqdan keçirilməsinə başlanacaq.. . Bunu İranın səhiyyə, müalicə və tibbi təhsil naziri Səid Nəməki Farmeks (Pharmex) 2020 Dərman Preparatları Sərgisinin açılış mərasimində deyib.

30 iyun