Polis Azərbaycan dövlətinin, xalqımızın keşiyində duran mübariz bir orqandır
Azərbaycan polis orqanları yarandığından bu günə qədər yetişdirdiyi qəhrəman polislərlə xalqın ürəyində taxt qurub. Bu sahədə xidmətləri əsnasında fədakarlıq və üstün bacarıqları ilə xatırlanan bir çox qəhrəman polislərimiz var. Belə ki, 1941-1945-ci illərdə faşizm ilə mübarizəyə Azərbaycan milisi də qalxaraq, düz 800 nəfərə yaxın əməkdaşı ilə fədakarlıqla vuruşaraq, qəhrəmanlıq və şücaət göstərib. Bir çoxları o zamankı Sovetlər imperiyasının hakim lideri olan İosif Stalin tərəfindən şəxsən mükafatlandırılaraq, yüksək orden və medallara layiq görülüblər. Zaman-zaman baş verən siyasi qarşıdurma və ölkədaxili ixtişaşlarda o zaman milis nəfərləri cəlb olunaraq, azğınlaşmış yağılardan dinc sakinləri qoruyurdu. 1988-1993-cü illər ərzində Milli Ordu yaranışına qədər polislərin, (o zaman milis adlandırılırdılar) şücaəti və əzmkarlığı vəsf ediləcək dərəcədə tariximizə şanlı hərflərlə yazıldı. Azərbaycan polisinin tarixi yaxın keçmişə tasədüf edir. Zamanında Sovet hakimiyyətinə tabe olan milis nəfərlərini yeni quruculuğumuzdan sonra məhz polislər əvəz edir. İlk öncə onu qeyd edim ki, "milis" sözü rus dilindən keçmə - mənası isə qədim Slavyan dilindən "milisioner", yəni fərdi şəxsə müraciət kimi qeyd olunur. Türkiyədə jandarma, karakolçular qismində ifadə olunan vəzifəni dünyanın bir sıra ölkələrində polislər həyata keçirir. Polis (ingilis dilindın tərcümədə "policy") siyasi sözündən əmələ gələn ifadədir ki, rejim, qayda, qanun, ciddiyyət anlamlarına isnad olunaraq, dayanıqlıq, qətiyyət bildirir. Dağlıq Qarabağ adlı ürəkağrıdan siyasi problemimiz təkcə ölkəmizin siyasi sıxıntısı deyil, eləcə də torpaqlarımızın itirilməsi, yağı düşmən tərəfindən etnik təmizləməyə məruz qalması, miyondan çox insanın öz doğma yurd-yuvalarından didərgin düşməsi, gənc soydaşlarımızın qurbana çevrilməsi, Vətənimizin saysız şəhid qazanması deməkdir. Azərbaycan xalq Cümhuriyyəti yaradıldıqdan bir qədər sonra, o zaman ölkədə fəaliyyət göstərən Nazirlər Şurasının 1918-ci il 2 iyul tarixli sərəncamı ilə Daxili İşlər Nazirliyi tərkibində müstəqil Azərbaycanın polis orqanları yaradıldı. Təbii ki, yeni struktur və təzə ab-havaya uyğun yaranan polis sistemi elə fəaliyyətə başladığı ilk andan xalqın və dövlətin mənafeyinə ləyaqətlə xidmət edir, əsayişin və təhlükəsizliyin mühafizəsi ilə yanaşı sabitliyin və əmin-amanlığın qorunması, cinayətkarlığa qarşı mübarizə kimi məsuliyyətli vəzifələri vicdanla, layiqincə və peşəkarlıqla həyata keçirir. Bugünkü Azərbaycan polisinin tarixi çox da uzaq hesab edilmir. Belə ki, Azərbaycan polisi öz peşə bayramını yeni adına uyğun məhz Ümumilli Lider Heydər Əliyevin 1998-ci il 24 may tarixli fərmanından sonra hər il iyulun 2-si "Azərbaycan Polisi Günu" kimi qeyd edir.
Bu gün hər birimizin dilində əzbərə çevrilən "MƏNİM POLİSİM MƏNİ QORUYUR!" ifadəsi bizim daha əmin yaşamağımız, özümüzü daha rahat hiss etməyimiz, asayişin qorunmasında daim onların yanımızda olmağını duymağımız üçün var. Ölkəm müstəqildir və dövlətimin qoruyucu qulluqçusu birmənalı mənim polisimdir. "Mənim polisim məni qoruyur!" – bu, belə olsa da, olmasa da, biz belə istəyirik. Çünki güvən yerimizdir polis. Ümummilli lider Heydər Əliyev: "Azərbaycan xalqı Azərbaycan polisini sevməlidir, ona hörmət etməlidir. Bu gün bu hörmət var və mən istəyirəm ki, daha da çox olsun. Bunu etmək üçün gərək siz yaxşı işləyəsiniz, öz gündəlik fəaliyyətinizdə yaxşı nəticələr göstərəsiniz, cinayətkarlara qarşı daha da amansız mübarizə aparasınız. Mən bu sahədəki fəaliyyətdən razıyam. Demək olar ki, Azərbaycanda uzun illər ərzində nə cinayətkar dəstə problem yarada bilər, nə də ki, başqa qeyri-qanuni birləşmələr mövcud deyildir. Arzu edirəm ki, bundan sonra da doğma Vətənimizə ləyaqətlə xidmət edəsiniz, Azərbaycanın müstəqilliyinin möhkəmlənməsi işində iştirak edəsiniz. Azərbaycanda bu gözəl vəziyyəti daha da möhkəmləndirmək üçün, bu gözəl ab-havanı əbədi etmək üçün əlinizdən gələni edəsiniz. Siz bu vəzifəni ləyaqətlə icra edirsiniz."
BƏLİ, "POLİS" AZƏRBAYCAN DÖVLƏTİNİN, XALQIMIZIN KEŞİYİNDƏ DURAN MÜBARİZ BİR ORQANDIR.
Hazırda yaşadığımız, dünyanı lərzəyə gətirən pandemiya dövründə dünya insanlığın birliyini gördü. Biz də bu dünyanın bir parçasıyıq və orda baş verən hər nə varsa, biz də yaşayırıq bütünün parçası kimi. Bu dövrün ən unudulmaz, zəhməti danılmaz, gecəsi-gündüzü olmayan, xalqının yanında olan, yenə də onu qoruyan polis oldu, hətta pandemiyadan da...Polis adı güc, rejim, qayda, qanun, ciddiyyət anlamlarını daşısa da mən deyərdim ki, əslində bu, cəmiyyətin hərtərəfli maarifləndirilməsi sahəsində böyük güc qurumudur. Onlar hər zaman sabitlik, əmin-amanlıq, sakitlik, səbr və təmkin rəmzi olublar. Yaşından asılı olmayaraq bütün insanlara göstərdikləri səbr və təmkin, hörmət və ehtiram sözün əsl mənasında alqışa və təqdirəlayiqdir. Etiraf edək ki, bu dövr ərzində istər Daxili Qoşunların, istərsə də Dövlət Yol Polisinin fəaliyyətidən möhtəşəm və səliqəli xidmət gördük! Dünyanı cənginə alan pandemiya dövrü, ölkə əhəmiyyətli bu hadisə polisin fədakar fəalliyəti, etik davranışları, birmənalı şəkildə Prezidentin fəaliyyətinə ciddi dəstək oldu. Çünki Prezident İlham Əliyevin məmurlara üz tuturaq, vətandaşlarla doğru-düzgün rəftaretmə çağırışına səs verən Daxili İşlər Nazirliyi öz fədakarlığını layiqincə yerinə yetirdi.
BİZ ONLARA "VƏTƏNDAŞ TƏŞƏKKÜRÜ" BORCLUYUQ...
Hər nə olursa olsun, bir vətəndaş kimi əminik ki, bütün çətin və anlaşılmaz vəziyyətdə tək qalmayacaq, arxamızda vüqarlı dağ kimi, yanımızda güclü və ayıq-sayıq olan polisimiz var. Öz formasını adına layiq daşıyan, milli dövlətçilik idealogiyasına sadiq olan, hazırda xalqının daha çox etimadını qazanan, Vətəninə, millətinə ləyaqətlə xidmət edən, təhlükəsizliyimizi təmin edən POLİSİMİZ var... Onun vüqarlı duruşu, ciddi, lakin həssas baxışı, davranışı da xalqımın bir parçası olaraq, mənim də qürurumdur.!
Röya Bənənyarlı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş