Növbəti 2 həftədə rayonlarda da sərt karantin rejimi tədbiq edilə bilər- AÇIQLAMA

Xəbər verdiyimiz kimi Operativ Qərargahın keçirdiyi brifinqdə sərt karantin rejiminin daha 2 həftə uzadılacağı bildirilib. Sərt karantin rejimi tədbiq edilsə də gündəlik yoluxmaların sayı 500-dən çox olur.Bundan əlavə insanlar müxtəlif yollarla sərt karantin rejimi tədbiq edilməyən rayonlara üz tuturlar. İyulun 5-dən sonra rayonlar da sərt karantin rejimi tədbiq ediləcək?

Bununla bağlı Sonxeber.az-a danışan deputat Aydın Hüseynov bildirib ki, karantin rejiminin sərtləşdirilməsi mütləq lazımdır:

"Havalar istiləşdiyi üçün insanlar rayonlara getmək istəyir. Digər tərəfdən insanlar başa düşməlidir ki, havalar nə qədər isti olsa da, xəstəxananın reanimasiya otağından daha yaxşıdır. Bu məsələdə hər birimiz dözüm nümayiş etdirməliyik. Bu virusun daha da geniş yayılmaması üçün hər birimiz diqqətli olmalıyıq. Rayonlara gedib koronavirusun yayılma coğrafiyasını artırmamalıyıq. İstəklərimizi pandemiyaya qarşı mübarizəyə yönəltməliyik. Özümüzü, ailəmizi və bütün Azərbaycan vətəndaşlarımızı qorumalıyıq. Vəziyyət çox çətindir. Ona görə də koronavirusun yayılmasının qarşısını alacaq bütün effektiv variantların hər birindən istifadə edilməlidir. Düşünürəm ki, Operativ Qərargah virusun yoluxma dinamikasını və yayılma coğrafiyasını analiz edərək düzgün qərar verəcək. Ehtiyac olarsa növbəti 2 həftədə rayonlar da sərt karantin rejimi tədbiq edilə bilər. Əlbəttə hər şey son günlərin yoluxma statistikasından asılı olacaq. Hər birimiz sosial məsuliyyətimizi dərk edib, bu məsələdə dövlətimizə dəstək olmalı və qoyulan qaydalara əməl etməliyik".

Aysel Yusifqızı

Telegramda izləyin

instagramda izləyin