"Ermənistandakı anti-Rusiya siyasətinin başında Paşinyan durur"-RƏY
Ermənistanda anti-Rusiya isteriyası geniş vüsət almaqda davam edir. Bunun növbəti misalı kimi rəsmi erməni telekanalında Rusiyada keçirilən Konstitusiyaya düzəlişlərlə bağlı referendumu işıqlandıran reportajda prezident Vladimir Putinə və onun siyasətinə qarşı çıxış edən Aleksey Navalnı ilə müsahibəsinin verilməsini göstərmək olar.
Rusiyanın Cənubi Qafqazda ən yaxın dostu, Kollektiv Təhlükəsizlik Müqaviləsi Təşkilatı çərçivəsində mühüm strateji müttəfiqi sayılan Ermənistanda Navalnı kimi qatı rus müxalifətçisinə söz verilməsi, onun Konstitusiyaya düzəlişlərlə bağlı mövqeyinin təqdim edilməsi RF-nin hakim dairələrində kəskin əks-səda doğurdu. Hətta indiyə qədər Ermənistanı Rusiya KİV-ində mütəmadi müdafiə edən Kreml təbliğatçısı Vladimir Solovyov da "dost sayılan Ermənistanın nasist Navalnıya söz verməsi"ndən kəskin hiddətini ifadə etdi. Solovyovun Ermənistana aid tənqidi çıxışında "nasist" məfhumunun işlətməsini isə bu "forpost" ölkədə faşistlərin qəhrəmanlaşdırılması siyasətinin həmişə Rusiyanın diqqət mərkəzində olduğuna işarə kimi başa düşmək olar.
Məsələ ilə bağlı politoloq Məhəmməd Əsədullazadə Sonxeber.az-a açıqlama verib.
Politoloq bildirib ki, Ermənistanda anti-Rusiya isterikasının inkişafının hər keçən gün şahidi oluruq. Bu siyasətin başında Baş nazir Nikol Paşinyan durur. Əsas hədəfi ölkəsində rusiyafobiya yartamaq və bununla Kremlin təsirlərini ölkəsində zəiflətməkdir:
"Məhz Rusiyada Konustitusiya referendumu keçirilməsi günü Putinin əleyhdarı olan A. Navalnının Ermənistan televiziyasına müsahibəsi məhz bu siyasətin tərkib hissəsidir. Baş nazir N. Paşinyan Rusiya müxalifətinin qabaqcıl liderinə efir meydanı verib. Putini tənqid etməsi Rusiyada Paşinyana qarşı yeni siyasətin formalaşmasına gətirib çıxaracaq. Moskvada vaxtı ilə Poroşenko adminstrasiyasına faşist deyənlər indi bunu Paşinyana deyəcklər. Onsuz da Paşinyan və Ermənistan bu adı haqq edir. Faşist Q. Njdeyə abidə ucaldan və onu qəhrəman hesab edən bir ölkə əlbəttə ki, faşist bir dövlətidir. Hesab edirəm ki, Paşinyan Rusiyaya qarşı mənfi siyasətini davam etdirməklə, Moskvada preventiv addımlar atacaq.
Paşinyan bilir ki, Putin onu devriməyə çalışır. Ona görə də ölkəsində ona qarşı və Rusiyaya qarşı bu siyasəti davam etdirir. Hesab edirəm ki, Rusiya və Ermənistan əlaqələri mürəkkəb mərhələyə keçir. Moskva anlamalıdır ki, regionda ona qarşı anti-siyasət yürütməyən Azərbaycandır və Qarabağ məsələsində Azərbaycanın yanında olmalıdır".
F.Ağayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş