"Digər viruslar kimi COVİD-19 –un da yoluxma səviyyəsi aşağı enəcək, yox səviyyəsinə çatacaq"- Həkim RƏYİ
Məlum olduğu kimi olkəmizdə sərtləşdirilmiş xüsusi karantin rejimidir. Ötən gün yoluxma sayında artım müşahidə edildi. Yəni rəqəmlər artıb-azalmaq prinsipiylə bərabər, gundəlik artım da nümayiş etdirməkdədir. Nə qədər acı olsa da, biz pandemiyanin tez bitməsini, işıqlı günlərimizə tez qovuşmağımızın ümidindəyik. Karantin tədbirlərində sərtləşmə nəticə versə belə artıq yoluxmalarda dinamik və yuksələn rəqəmlərə rast gəlmək gələn həftələrdə virusun pik həddini düşünməyə əsas verir. Azərbaycanda koronavirusun pik həddi nə zamana proqnoz edilə bilər?
Bununla baglı Sonxeber.az-ın sualını ATU-nun dosenti, cərrah Ədalət Rüstəm cavablandırıb:
"Son günlər xəstəliyə yoluxanların sayı artır. Ötən gün virusa yoluxanların sayı 588 nəfər təşkil edib. Diaqnostik testləri edilməyən xəstələrə gəldikdə demək olar ki, belə xəstələrdə yalnız qrip, zökəm, koronavirus əlamətləri var. Hansı ki həmin şəxslər hesab edirlər ki, kondisioner altında əyləşiblər, hamamdan çimib çıxıb, sərin su içiblər və ya dondurma yeyiblər. Bu şəxlər təbii ki diaqnostik testdən keçməyiblər. Bu xəstələr testlərə cəlb olunsa, onların ən azı yarısında COVİD-19 xəstəliyi aşkar oluna bilər. Mənim orta hesablamalarıma görə gün ərzində xəstəxanalara virusla bağlı qəbul olunmuş xəstələrdən əlavə, virusa 4,5 min belə tip insanlar yoluxur. Bu səxlər yüngül və asimptomatik xəstələrdir. Bunlara baxmayaraq təşvişə düşmək olmaz. Hesab edirəm ki, bu xəstəliyin hələ birinci dalğasıdır və bitməyib. Xəstəliyin pik həddi haqqında nəsə deyə bilmərəm. Çünki bu rəqəm 588-dən daha da yuxarı rəqəmlərə qalxa bilər. 2002-ci ildə olan Sars Cov pandemiyası həmin dövrdə böyük əhali kütləsini əhatə etmədi. 2013- cu ildə Yaxın Sərq respirator virusu- Mers meydana çıxdı. Daha sonrakı illərdə quş qripi cənubi Qafqaz regionunu əhatə etdi. Adlarını çəkdiyim infeksiyaların kütləvi yoluxması haqqında az məlumat var. Həmin virus infeksiyaları unuduldu. Bir neçə aydan sonra bu virus da unudulacaq. Digər viruslar kimi COVİD-19 -un yoluxma səviyyəsi aşağı enəcək, yox səviyyəsinə çatacaq. Virusun yoluxdurma qabiliyyəti getdikcə azalacaqdır, təşvişə gərək yoxdur. Sadəcə olaraq maska, sosial məsafə, mütəmadi gigiyena, mətbəx prinsip və ya qaydalarına əməl olunmalıdır. İlk qaydalar insanların özlərindən asılıdır. Dördüncü qayda isə hökumətdən asılıdır. Elə olmalıdır ki, insanların, xüsüsən işini itirmiş insanların mətbəxində qida olsun. Qida ilə bağlı prinsip həyata keçirilməsə bəla uzun çəkəcək. Ailələrə dövlətin maddi dəstəyi önəmlidir".
Şəlalə Babayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş