Sahibkarlara və günəmuzd işləyənlərə hansı yardımlar ediləcək?- AÇIQLAMA
Xəbər verdiyimiz kimi Nazirlər Kabineti yanında Operativ Qərargahın qərarı ilə COVID-19 virusunun yayılma sürətinin azaldılması, eləcə də onun törədə biləcəyi fəsadların minimuma endirilməsi məqsədilə Goranboy, Göygöl və Mingəçevir şəhərləri, Bərdə, Xaçmaz, Samux, Siyəzən və Şəki rayonları daxil olmaqla, Bakı, Cəlilabad, Gəncə, Lənkəran, Masallı, Sumqayıt, Yevlax şəhərlərində və Abşeron rayonunda xüsusi karantin rejimi 2020-ci il 5 iyul saat 06:00-dan 20 iyul saat 06:00-dək uzadılıb. Sərt karantin rejimi tədbiq edilən rayon və şəhərlərdə bir çox iaşə obyeklərinin fəaliyyəti dayandırılıb. Sərt karantin rejimi tədbiq ediləcək rayon və şəhərlərdə fəaliyyət göstərən sahibkarlara, günəmuzd işləyənlərə dövlət tərəfindən hansı yardımların edilməsi gözlənilir?
Bununla bağlı Sonxeber.az-a danışan deputat Vüqar Bayramov bildirib ki, sərt karantin rejimi uzadıldıqdan sonra Nazirlər Kabineti vətəndaşlara və sahibkarlara dəymiş ziyan minimalaşdırılması ilə bağlı qərarlar qəbul edib: "Eyni zamanda nəzərə alsaq ki, Azərbaycan prezidenti də pandemiya dövründə koronavirusun iqtisadiyyata ziyanlarını minimallaşdırılması ilə bağlı daimi tapşırıqlar verir. O baxımından karantin rejimin uzadılması fonunda guman olunur ki, xüsusilə sahibkarlara və vətəndaşlara pandemiyanın və sosial təcrid tədbirlərinin təsirlərinin yenidən qiymətləndirilməsi aparılacaq. Nazirlər Kabineti və Operativ Qərargah tərəfindən qiymətləndirmə aparıldıqdan sonra hansı formada yardımların edilməsi ilə bağlı qərar veriləcək. Biz güman edirik ki, vətəndaşlara və sahibkarlara dövlət dəstəyi davam etdiriləcək.
Pandemiyadan əziyyət çəkən sahibkarlar üçün təşviq tədbirləri davam etdirilib. Bu güzəştlər 2021-ci ilin yanvar 1-dək nəzərdə tutulub. Vergi güzəştlərndən əlavə biliriniz ki, bir neçə gün öncə yeni kredit portalı istifadəyə verildi. Xüsusilə də post-pandemiya dövründə zərər çəkmiş sahibkarlara 500 milyon manatlıq güzəştli kredit təklif olunmasına başlanılıb. Kredit faizlərinin yarısı dövlət tərəfindən kompensasiya edilir. Artıq bu prosesə başlanılıb. Kredit və güzəşt müddəti uzadılıb. Karantin qaydalarına uyğun olaraq sahibkarlara təşviq dəstəyi və tədbirləri davam etdirilir. Bununla bağlı olaraq Nazirlər Kabineti və İqtisadiyyat Nazirliyi tərəfindən qərarlar verilib. Ümumiyyətlə, pandemiya dövründə dövlətin vətəndaşlara, xüsusilə də sahibkarlara dəstəyinin davam etdiriləcəyi gözlənilir. Güman edilir ki, Nazirlər Kabineti tərəfindən yeni dəstəyin hansı formada keçirləcəyi ilə bağlı qiymətləndirmə aparılır. Təbii ki, bizim gözləntimiz ondan ibarətdir ki, dövlət dəstəyi karantin və pandemiyanın davam etdiyi dövrdə davam etdiriləcək".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş