Kamal Sunalın vəfatından 20 il ötdü

Türk filmlərinin unudulmaz simalarından biri olan Kamal Sunal ölümünün 20-ci ildönümündə yad edilib.

Sonxeber.az xəbər verir ki, bu gün Kamal Sunalın ölümünün 20-ci ildönümü ilə əlaqədar Türkiyənin Zincirlikuyu məzarlığında bir mərasim təşkil ediləcək.

Usta aktyor Kamal Sunal 26 illik sənət həyatı boyunca oynadığı teatr pyeslərindən başqa 6-sı yan rollarda, 76-sı baş rollarda iştirak etməklə ümumilikdə 82 filmə çəkilib.

Kamal Sunal canlandırdığı və təsvir etdiyi hər personajla tamaşaçıları güldürməyi bacaran və türk xalqının adət-ənənələri, inancları nümunələri ön plana çıxıb .

Üzü və fiziki quruluşu ilə fransız komediya ustası Fernandel ilə müqayisə olunan usta aktyor həmişə haqlının haqsıza, güclünün gücsüzə qarşı mübarizəsini təmsil edən komediya ustası olub.

Təyyarə fobiyası olan və həyatında heç vaxt təyyarəyə minməyən Sunal 3 iyul 2000-ci ildə oynayacağı son film "Balalayka"nın çəkilişləri üçün Trabzona getmək üzrə mindiyi təyyarədə ürək tutmasından həyatını itirib.

Zincirlikuyu Qəbiristanlığında dəfn olunan usta aktyorun rol aldığı bəzi filmlər bunlardır:

"Canım Kardeşim", "Oh Olsun", "Mavi Boncuk", "Salak Milyoner", "Hanzo", "Hababam Sınıfı Serisi", "Şaban Serisi", "Meraklı Köfteci", "İbo ile Güllüşah", "Sakar Şakir", "Yüz Numaralı Adam", "Bekçiler Kralı", "Zübük", "Sahte Kabadayı", "Avanak Abdi", "Korkusuz Korkak", "Şark Bülbülü", "Devlet Kuşu", "Gol Kralı", "Üç Kağıtçı", "Doktor Civanım", "Yedi Bela Hüsnü", "Postacı", "Varyemez", "Propaganda" və s.

Telegramda izləyin

instagramda izləyin