ÜST-dən koronavirusun peyvəndi və dərmanı ilə bağlı VACİB AÇIQLAMA

Ümumdünya Səhiyyə Təşkilatının (ÜST) baş direktoru Tedros Adhanom Ghebreyesus və təşkilatın Təcili yardım şöbəsinin müdiri Mayk Rayan Cenevrədə keçirdikləri mətbuat konfransında yeni növ koronavirusa (Kovid-19) qarşı hazırlanan dərmanlar və peyvəndlər haqqında dəyərləndirmələr ediblər.

Sonxeber.az "Reuters"ə istinadən xəbər verir ki, Ghebreyesus müalicələrdə təsirli ola biləcək dərmanlarla əlaqəli klinik sınaqların ilk nəticələrini əldə edəcəklərini söyləyib.

"İndiyə qədər 39 ölkədəki 5,500 xəstə həmrəylik göstərərək sınaqlarda iştirak edib. Yaxın iki həftə ərzində ara nəticələr gözləyirik" deyib.

Rayan isə verdiyi açıqlamada Kovid-19 əleyhinə peyvəndin nə vaxt hazır olacağını əvvəlcədən düşünməyin ağıllı fikir olmadığını söyləyib. O, bildirib ki, Kovid-19-la mübarizə materiallarının ölkələr arasında bərabər şəkildə olmaması bizi üzür: "Misal üçün bir ölkənin virusa qarşı daha çox dərman pereparatına sahib olması digər ölkələrdə isə ölüm sayının artmasını ədalətli hesab etmirəm".

Qurum rəsmisi bildirib ki, əsl problem peyvəndin ilin sonuna qədər tapılması deyil, kütləvi istehsalın nə qədər davam edə biləcəyidir.

Rayan, həmçinin ölkələri yeni yoluxmaları müəyyənləşdirməyə, yoluxmuş insanları izləməyə və yoluxma zəncirini pozmağa kömək etmək üçün insanları təcrid etməyə çağırıb.

"Masa ətrafında oturub fərziyyə istehsal edənlər heç nəyə nail ola bilməzlər. Virusun ardınca gedənlər uğur qazanacaqlar" deyə Rayan əlavə edib.

F.Ağayeva

Telegramda izləyin

instagramda izləyin