"Twitter" Türkiyə əleyhinə yazılar yazan hesabları bağladı

"Twitter" Türkiyə və Qətərin əleyhinə yazılar yazan və Birləşmiş Ərəb Əmirliklərinin dəstəklədiyi "saxta Yaxın Şərq mütəxəssislərinin" hesablarını bağlayıb.

Sonxeber.az-ın "Haber Global"a istinadən xəbərinə görə ABŞ-dakı "The Daily Beast" saytının xəbərinə görə, "Twitter", "Newsmax" və "Washington Examiner" kimi xəbər saytlarında "ekspert" adı ilə saxta Yaxın Şərq mütəxəssislərinin Türkiyə və Qətər əleyhinə yazılar dərc edən hesabları əngəlləyib.

Məlum olub ki, bu 19 hesabda istifadə olunan adlar ötən il 46 fərqli KİV-də 90-dan çox məqalə dərc edib, lakin bu insanlar "həqiqi" insanlar deyillər.

"The Daily Beast" a danışan "Twitter" rəsmisi bu hesabların bir hökumət tərəfindən dəstəkləndiyinə dair dəlil olduğunu vurğulayıb

Sözügedən profillərin yayımladığı məqalələrdə BƏƏ tərəfkeşi olduğu, Qətər və Türkiyəni tənqid etdiyi və İrana daha çox sanksiyaların tətbiq edilməsi ilə bağlı fikirlərin müdafiə edildiyi bildirilir.

Bütün hesablar göstərir ki, dərc edilən mətnlər təxminən eyni cümlələr ilə dərc edilərkən, bu hesablardan Türkiyənin Liviyadakı rolunundan narahat olduğu qeydlərin olduğu da açıqlanıb.

F.Ağayeva

Telegramda izləyin

instagramda izləyin