"Xarici investisiya üçün Azərbaycan hərtərəfli şəkildə cəlbedici bir məkandır"-RƏY

BMT-nin hesablamalarına görə, 2020-2021-ci illərdə dünyada xarici investisiyalar 30-40 faiz azalacaq. Bu yolda iqtisadiyyatın diversifikasiyası üçün Azərbaycana əhəmiyyətli qeyri-neft birbaşa xarici investisiyaların cəlb edilməsi məsələsi aktuallaşır.

Bu barədə iqtisadçı-ekspert Akif Nəsirli Sonxeber.az-a açıqlama verib.

Ekspert bildirib ki, Azərbaycana xarici investisiyalar cəlb etmək vacibdir: "Amma Azərbaycanın daxilində də ciddi investisiya resursları var. Sadəcə olaraq Azərbaycanda investisiya qoymaq üçün real, normal, cəbedici mühit yoxdur:

"Əgər cəlbedici mühit yaradılarsa, Azərbaycana xaricdən də investisiya cəlb etmək mümküdür. Hesab edirəm ki, ölkədə bir sıra tədbirlər həyata keçirilməlidir. Birinci növbədə ölkə iqtisadiyyatında şəffaflıq, hesabatlılıq olmalı, mülkiyyətə zəmanət verilməli, ölkədə inhisarçılıq azalmalı, rəqabət mühiti yaradılmalıdır. Eyni zamanda müstəqil məhkəmələr formalaşmalıdır. Həmçinin onu da qeyd edim ki, maliyyə amnistiyası verilməlidir. Bu sadaladığım və buna bağlı bir sıra məsələlər də var.

Məsələn sahibkarlığa yerli, mərkəzi icra orqanları tərəfindən dəstək artmalıdır. Bütün bu proselər həyata keçirilərsə, Azərbaycanda çox cəlbedici investisiya mühiti yaranar. Bəlkədə ölkə daxilindəki investisiyalar o qədər çoxluq təşkil edər ki, heç xarici investisiyaların bura gəlməsi bizim üçün əhəmiyyətli olmaz. Amma xarici investisiya üçün Azərbaycan hərtərəfli şəkildə cəlbedici bir məkandır. Çünki Azərbaycanda həm iqtisadiyyat növü çoxşaxəlidir, həm də coğrafi mövqeyi önəmlidir. Azərbaycan hər zaman cəlbedici olub. Sadəcə olaraq burada yaradılan iqtisadi mühit o cəlbediciliyin səviyyəsini aşağı salır. Əgər bu tədbirlər görülsə, hesab edirəm ki, post-pandemiya dönəmində Azərbaycanın iqtisadi dirçəlişi daha sürətli olacaq".

F.Ağayeva

Telegramda izləyin

instagramda izləyin