"Əsas çətinlik xəstəlikdən müalicə olunmuş insanların 200-250 ml qan vermək istəməmələridir"-DOSENT

Məlum məsələdir ki, COVİD-19-un müalicəsində "immun plazma qan" deyilən prosedurdən istifadə edilir. Bu bütün dünya təcrübəsində artıq tətbiq edilir. Azərbaycanda pandemiya ilə mübarizə Qan Bankına dəstək vermək hər bir vətəndaşın insani vəzifəsinə çevrilməlidir. Təəssüf ki, bu məqamlarda ziddiyyətli fikirlər hökm sürməkdədir.

Mövzu ilə bağlı Azərbaycan Azərbaycan Tibb Universiteti I cərrahi xəstəliklər kafedrasının, eləcə də Transplantalogiya şöbəsinin dosenti, cərrah Ədalət Rüstəm açıqlama verib:

"Covid-19 xəstəliyindən müalicə olunmuşların qanında törədiciyə - SARS-COV-2 qarşı antitcisimlər əmələ gəlir, fərdi immunitet formalaşır. Hələlik immunitetin dayanıqlığı və müddəti haqqında tədqiqatlar aparılır. Lakin yeni yoluxmuş, xüsusilə ağır Covid-19 xəstələrinin müalicəsində sağalmış xəstələrin qan plazmasının istifadəsinin səmərəliliyi haqqında kifayət qədər əsaslandırılmış və dünyanın nüfuzlu elmi jurnallarında dərc edilmiş məlumatlar var. ÜST yüksək müalicəvi əhəmiyyətə istinad edərək müalicə olunmuş insanların qan plazmasında tövsiyə etdiyi müalicə protokollarına daxil etmişdir. Azərbaycanda bu məsələdə bəzi çətinliklər var. Əsas çətinlik xəstəlikdən müalicə olunmuş insanların 200-250 ml qan vermək istəməmələridir. Düşünürəm ki, bu məsələnin həllində irəli getmək olar".

Ədalət Rüstəm sözügedən məsələ üçün ilk növbədə xalqımız arasında sanitar-tibbi maarifləndirmə aparılmalı, prosesə sanballı alimlərin peşəkar mütəxəssislərin cəlb edilməli olduğunu bildirib:

"Qanvermə-qanköçürmə məsələsi arbidol-faviourivir nümunəsindəki kimi numunalver-qazanc predmetinə çevrilməməlidir. Çünki istənilən insan soruşa bilər, mənim təmənnasız verdiyim qan nə üçün böyük məbləğ qarşılığında imkanlılara satılmalı, kasıblar üçün əlçatan olmamalıdır. Digər tərəfdən təbliğat-təşviqat prosesinə və qanvermə aksiyalarında ölkənin elm ictimaiyyəti, nüfuzunu qorumuş din xadimləri və ziyalılar könüllü qoşulmalıdır. Bu şərtlər daxilində Covid-19 xəstələrinin mualicəsində daha böyük uğurlar əldə etmək olar".

Şəlalə Babayeva

Telegramda izləyin

instagramda izləyin