Koronavirus havada qalır? - RƏSMİ CAVAB

"Tibb müəssisələrində bəzi müdaxilələr, xüsusilə inkubasiya zamanı tənəffüs yoluna borunun salınması və çıxarılması, hər hansı xəstədə ürək dayanması baş verərsə, ona xüsusi oksigen cihazı ilə oksigen verilməsi zamanı, tənəffüs yollarında aparılan müdaxilələrin böyük əksəriyyətində eyni airozol formalaşır. Damcı damcıdır, o, ağır olduğu üçün yerə hopur. O, havada uzun müddət qala bilməz. Amma airozol buxar kimidir və o qədər xırdadadır ki, havada daha uzun müddət qala bilir".

Sonxeber.az BAKU.WS-ə istinadən xəbər verir ki, bu sözləri Səhiyyə Nazirliyinin İctimai Səhiyyə və İslahatlar Mərkəzinin şöbə müdiri Nabil Seyidov deyib.

Onun sözlərinə görə, tibb müəssisələrində COVID-19 xəstələrində həmin prosedurlar daha çox aparıldığı üçün otaqlarda havada airozolizasiya baş verir və virus həmin havada qalır:

"Bu səbəbdən bizim həkimlərimiz, KOVID-19 xəstələri olan bütün dövlət qurumlarının xəstəxanalarında çalışan həkimlər N95 maskasından istifadə edir. Çünki N95 və FFB2 maskası əsas məqsədi ondan ibarətdir ki, havadan ötürülmənin qarşısını alır".

Nabil Seyidov həmçinin qeyd edib ki, mütəxəssislərin fikrincə adi insan asqıranda və öskürəndə, otaqda bir neçə nəfər söhbət edən zaman damcı ilə yanaşı, havada virus daha çox qalır: "Lakin ÜST-ün apardığı tədqiqatlar bu günə qədər təsdiq etməyib ki, virus havada qalır. Bu, heç bir tədqiqatda təsdiqini tapmayıb".

Telegramda izləyin

instagramda izləyin