ÜST-ün Avropa üzrə regional direktoru Türkiyəyə səfər edəcək

Yeni növ koronavirus epidemiyasında apardığı uğurlu işlərdə ön sıralara çıxan Türkiyə bu gün Ümumdünya Səhiyyə Təşkilatından (ÜST) əhəmiyyətli bir qonaq qəbul edəcək.

Sonxeber.az "Haber Global"a istinadən xəbər verir ki, Ümumdünya Səhiyyə Təşkilatının (ÜST) Avropa üzrə regional direktoru Hans Kluge seçildikdən sonra ilk xarici səfərini Türkiyəyə edəcək.

Kluge ziyarət əsnasında koronavirusa qarşı mübarizədə görülən işlərin araşdırmasında Türkiyənin nümunə göstərilən səhiyyə sistemi haqqında məlumat alacağı bildirilib.

Səfəri çərçivəsində ÜST-nin Avropa üzrə regional direktoru Hans Kluge ilk dəfə Səhiyyə naziri Fahrettin Koca ilə görüşəcək. İkitərəfli görüşdən sonra nazir Koca və Kluge Koronavirus ilə bağlı Elmi Komitə iclasında iştirak edəcəklər.

Yığıncaqda epidemiya ilə mübarizədə görülən tədbirlər, müalicə protokolları, qorunma tədbirləri müzakirə ediləcək. Türkiyədəki məlumatlar epidemiyanın gedişatı fonunda qiymətləndiriləcəkdir.

Bundan əlavə, ÜST ilə Türkiyə arasında əməkdaşlıq məsələləri müzakirə ediləcək. Peyvənd və dərman işləri də yığıncağın gündəliyində olacaq.

Görüşdən sonra nazir Koca və ÜST-nin Avropa üzrə regional direktoru Kluge birgə mətbuat konfransı keçirəcəklər.

F.Ağayeva

Telegramda izləyin

instagramda izləyin