"Həkimlər oteldə döşəmə xalçası və havasızlıqdan koronavirusa yoluxur"- Dosentdən Şok AÇIQLAMA

"həkimlərin karantin üçün yerləşdirildiyi otellərin sistemi onların yoluxmasına yol açır. Yəni ciddi çatışmayan cəhətləri, havalandırma sisteminin olmaması, bütün otaqlarda pəncərənin olmaması, yalnız bir divarın qapalı şüşədən olması, dəhlizlərdə döşəmə xalçasının olması, keyfiyyətli təmizləmə və dezinfeksiya işlərinin aparılmasının mümkünsüzlüyü oteldə eyni vaxtda yaşayan 300-500 tibb işçisinin, texniki yardım işçilərinin və həkimlərin koronavirus infeksiyası ilə yoluxmasinin əsas sərtləridir".

Bunu Azərbaycan Azərbaycan Tibb Universiteti I cərrahi xəstəliklər kafedrasının, eləcə də Transplantalogiya şöbəsinin dosenti, cərrah Ədalət Rüstəm deyib:

"Həkimlər, tibb işçiləri və texniki yardım işçiləri arasında SARS-COV-2 virusu ilə yoluxma sayı günbəgün artmaqdadır. Onların arasinda 20-yə qədər ölüm baş verib. Xüsusi rejimli koronavirus xəstəxanalarında onlarla həkim, tibb işçisi və texniki işci hazırda müalicə olunur. Bəziləri ev şəraitində müalicə olunurlar. Yoluxmuş və müalicə olunmuş və hazırda müalicəsi davam edən tibb işçilərinin böyük əksəriyyəti peşəkarlardir, özlərini xəstələrinin yolunda fəda edənlərdir. Həkimlər və tibb işçiləri arasında Azərbaycan praktik anesteziologiya və reanimatologiya kimi ən agir, ən mürəkkəb tibb sahəsinin Generalı kimi tanınmış məşhur həkim Cavid Paşayev COVİD-19 xəstəliyinin ağır forması ilə mücadilə edir, ölüm-qalim mübarizəsi aparır. Allahdan ona şəfa diləyir, dualarımızı əsirgəmir, tezliklə ailəsinə, cəmiyyətə və səhiyyəmizə dönüşünü arzulayırıq. İlk aylar (aprel, may) bu təhlükəli infeksiya ilə yoluxmuslar stasionara qədərki mərhələnin, yeni poliklinikalarin, ginekoloji konsultasiyaların, təcili tibb yardımı stansiyalarının, adi, qeyri-koronavirus xəstəxanalarının işçiləri (həkimlər, tibb və texniki işçilər) idi. Bu təbii idi və dünya ölkələrində də eyni vəziyyət idi. Çünki bu mərhələdə fəaliyyət göstərən tibb və texniki işçilər fərdi bioloji mühafizə vasitələri ilə təchiz olunmamışlar, peşə fəaliyyətləri ilə əlaqədar olaraq adı xəstələrlə, insanlarla daha çox ünsiyyətdə olurlar. Son günlərdə Azərbaycanda digər ölkələrdə, xüsusilə Avropa və Amerika ölkələrində təzahür etməyən, azından qabardılmayan ağır situasiya yaranıb. İyun ayinda və iyul ayının ilk dekadasında ölkəmizdə koronavirus infeksiyası ilə yoluxmuş tibb və texniki işçilər arasında bilavasitə xüsusi rejimli koronavirus xəstəxanalarinda işləyən tibb və texniki iscilər, o cümlədən həkimlər çoxluq təşkil edirlər. Bu faktdır. Artıq Tibb Universitetinin reanimasiya şöbəsinin 21 işçisi yoluxma səbəbindən elə həmin xəstəxanada müalicə olunurlar. Bu fakt və onu doğuran səbəb(lər) üzərində NK yanında OQ, Səhiyyə nazirliyi, TƏBİB tərəfindən tutarlı məlumatlar verilmir. OQ-in brifinqlərində jurnalistlər tərəfindən verilən coxsayli, əksəriyyəti real əhəmiyyət daşımayan "дежурный" suallar arasında bu tip arqumentar-faktoloji suallar səsləndirilmir. Səsləndiyilsə də cavablar yayındırılır olur, mahiyyəti əks etdirmir. Sual isə konkretdir: nə ucun xususilə Baki şəhərində xüsusi rejimli xəstəxanalarda işləyən tibb və texniki işçilər, həmçinin həkimlər arasında son 1 ayda yoluxma hadisələri kəskin artmışdır? Səbəb nədir, səbəblər nədir? Lakonik, qısa sual. Cavabı özüm yazıram. Bakı şəhərində mart ayının sonlarından bu günə qədər COVİD-19 xəstələrinin mualicəsi aşağıdakı ən modern, ən möhtəşəm, ən gözəl, ən müasir avadanlıqlarla, dərman preparatları və müalicə vasitələri ilə təchiz edilmis ən yüksək səviyyəli ixtisaslaşmış tibb heyəti olan aşağıdakı xəstəxanalarda və mərkəzlərdə aparılır: Azərbaycan Tibb Universitetinin tədris cərrahiyyə və terapevtik klinikaları, Neftçilər xəstəxanası, təzəcə açılmış 575 yerlik, Avropanın ən gözəl mərkəzi - "Yeni klinika", Bakı Sağlamlıq Mərkəzi, son 10 gündə Şəhər 1 saylı klinik xəstəxanası (Semasko adı ilə tanınan). Bu xəstəxanalarda Ölkənin SARS-COV-2 infeksiyasına yoluxmuş xəstələrinin ən azı yarısı müalicə olunmuş, sağalmış və müalicə olunurlar. Mənə görə təxminən 11-13 min. Həmin xəstəxanaların hamısının həkimləri, tibb və texniki işçiləri ötən müddətdə ağ şəhərdə, 5 ulduzlu "Bulvar-otel"də yerləşdirilmişdir. Ara-sıra narazılıqlar olsa da ümumən otel rəhbərliyi və işçiləri tərəfindən tibb və texniki işçilərə, həkimlərə qayğı, qulluq, qida təminatı qənaətbəxşdir, insanların keyfiyətli istirahəti xeyli əlverişlidir. Xüsusi rejimli stasionar xəstəxanada yoluxmuş şəxs infeksiyanı otelə gətirmiş (gətirir), qeyd etdiyim qeyri-munbit şərait oteldaxili yoluxmalara rəvac verib, verməkdədir. Çünki otel karantin rejiminə uyğun deyil və onun uyğunlaşdırılması mümkünsüzdür.

Ədalət Rüstəm qeyd etdiyi məqamlara aydınlıq gətərərək həkimlərin, karantinə alınan və müalicəsi təyin olunanların digər münasib məkanlarda qrup şəkildə yerləşdilirməsini bu virusa yoluxmamaqda yardımçı və çıxış yolu kimi gördüyünü bildirib:

"Nə etməli? Tibb işçilərinin dislokasiyası təcili dəyişdirilməli, onlar 20-30 nəfərlik kiçik qruplara ayrılmalı və yataqxana tipli, havalanma sistemi, pəncərələri və balkonlari olan, dəhlizləri metlax, linoleumla döşənmiş, xalçasız-kovrolitsiz olan (asan yuyulan və dezinfeksiya edilən) otellər və uyğun binalara yerləşdirilməlidirlər. Xüsusi rejimli koronavirus xəstəxanalarında işləyən bütün işçilərin həftədə azı 1 dəfə tibbi müayinəsi aparilmalı, yoluxmuslar təcrid və müalicə edilməlidirlər".

Şəlalə Babayeva

Telegramda izləyin

instagramda izləyin