Daha bir "kabus": Dadbilmə və iybilmə itibsə... - HƏKİM MƏSLƏHƏTİ

Bir çoxları dadbilmə və iybilmə hissini məhz koronavirusun ilkin əlaməti bildiyi üçün belə hallarda dərhal panikaya düşürlər. Lakin narahatçılığa ehtiyac yoxdur, çünki dadbilmə və iybilmənin itməsi təkcə koronavirus əlaməti deyil.

BiG.AZ-ın verdiyi xəbərə görə, məsələ ilə bağlı həkim-fitoterapevt, apiterapevt, bitkilər üzrə elmi işçi Elnur Eldaroğlu özünün "İnstagram" səhifəsində yazıb.

Onun sözlərinə əsasən, bildiyimiz qrip və bir sıra kəskin respirator virus infeksiyaları zamanı da bu əlamətlər ola bilir. Koronavirus daxil, digər virus səbəbli olan bu problem xəstəlik bitdikdən sonra tam yerinə qayıdacaq.

Dr. Eldaroğlu bu zaman faydalı olacaq reseptini də təqdim edib:

"1 xörək qaşığı soda, 1 xörək qaşığı xörək duzu, 10 damcı perekis və 1 stakan ilıq suyu qarışdırın. Qarqara edin və burnunuzu yuyun. Nisbətən geri qayıdacaq və rahat yeməyinizi yeyəcəksiniz".

Bəs görəsən, başqa hansı xəstəliklərdə iybilmə və dadbilmə itir?

Həkim bu məsələyə də aydınlıq gətirib. Həmin xəstəliklər bunlardır:

Yaşlanma

Soyuqdəymə

Haymoritlər (qaymarit)

Tüpürcək vəzi xəstəliyi

Nazal polipler

Beyin travması

Demensiya və ya Alsheymer xəstəliyi

Şizofreniya

Parkinson

Diş çürüməsi

Quru ağız

Vitamin əksikliyi

Kimyəvi maddələrə məruz qalma

Kimyəvi dərmanlar

Narkotik maddə istifadəsi

Baş və ya boyun bölgəsində radiasion müalicəsi

Siqaret çəkmək

Üz iflici

Dağınıq skleroz

Daha bir "kabus": Dadbilmə və iybilmə itibsə... - HƏKİM MƏSLƏHƏTİ

Qeyd edək ki, Elnur Eldaroğlu Azərbaycan Tibb Universitetinin məzunudur. Uzun illər Çin, Rusiya, Ukrayna, Türkiyə və Almaniyada alternativ tibb bölümünə aid fitoterapiya kursları keçib.

2009-2010-cu illərdə Ege Universitetində daxili xəstəliklər şöbəsində çalışıb.

2010-2012-ci illərdə dərman bitkiləri üzrə elmi-tədqiqat araşdırması və müalicəsi ilə məşğul olub.

"Dekorativ bitkilər xalq təbabətində" kitabının həmmüəllifi 2013- cü ildə dərman bitkiləri üzrə elmi iş fəaliyyətinə başlayıb.

"Dr. Eldaroğlu" markası ilə kompleks təsirə malik bir neçə bitki tərkibli dərmanların (Diabennur, Calcinur, Hepanur) tərkibinin müəllifidir.

Apifitoterapiya Mərkəzinin rəhbəri, həmçinin, Avropa Təbiət elmləri Akademiyasının və Türkiyə Apiterapiya cəmiyyətinin fəxri üzvüdür.

Telegramda izləyin

instagramda izləyin