"BNA xəttə kifayət qədər avtobus buraxıb, əsas məsuliyyət şəhər sakinlərinin üzərinə düşür"-DEPUTAT

Xəbər verdiyimiz kimi, xüsusi karantin rejimi iyulun 5-dən iyulun 20-dək uzadıldığı üçün metronun fəaliyyəti dayandırılıb. Belə olduğu halda yük avtobusların üzərinə düşür. Buna görə də insanlar özləri də vəziyyəti başa düşüb sıxlıq yaratmamalıdırlar. Eyni zamanda kifayət qədər avtobus da ayrılıb.

Mövzu ilə bağlı deputat Aydın Hüseynov Sonxeber.az-a açıqlama verib.

Deputat bildirib ki, belə tədbirlərin hər birinin, yəni karantin rejiminin tətbiq olunması, metronun bağlanmasının bir məqsədi var:

"Bu da vətəndaşların sağlamlığının təmin olunmasıdır. Həmçinin metronun bağlanması ən doğru addımlardan biridir.

Bildiyiniz kimi şənbə və bazar günləri iş günü olmadığı və bütövlükdə ölkədə karantin rejimi tətbiq olunduğu üçün vətəndaşlara evdə qalmaq tövsiyə olunur.

Burada biz vətəndaşların rahatlığından daha çox onların sağlamlığını nəzərə düşünürük. Hesab edirəm ki, vətəndaşlar yalnız vacib məqamlar olduğu zaman evdən çıxsalara yaxşı olar.

Həmçinin BNA xəttə kifayət qədər avtobuslar buraxıb. Burada əsas iş şəhər sakinlərinin üzərinə düşür. Çünki onlar özlərinin və yaxınlarının sağlamlıqlarını da qorumalıdırlar. Hətta bir-iki dayanacaq məsafa olduğu zaman piyada da hərəkət etmək olar.

Eyni zamanda yalnız ən vacib məqamlarda iki saatlıq icazədən istifadə etmək tövsiyə olunur. İnsanlar buna riayət etdiyi zaman sıxlıq da olmayacaq".

F.Ağayeva

Telegramda izləyin

instagramda izləyin