"2020-ci ilin birinci rübündə isə 41 şəhər və rayonun göstəricilərində iqtisadi artım müşahidə olunub"-RƏY

Demək olar ki, ölkəmizin bütün rayonları dövlət büdcəsindən dotasiya olunur. Bu, son illər ərzində belə olmuşdur və oxşar mənzərə Azərbaycanın 2020-ci il dövlət büdcəsinin xərclərində də öz əksini tapmışdır.

Özəl sektorun bu gün hansı rayonlarda daha çox fəallığı müşahidə olunur və iqtisadiyyatın hansı sahələri üzrə, harada vəziyyət proqnozlara uyğundur?
Koronavirusun ölkənin böyük sənaye mərkəzlərinə və regionlara göstərdiyi təsirdə fərqlərin olub-olmadığı haqqında deputat Azər Badamov Sonxeber.az-a açıqlama verib.

Deputat bildirib ki, 2020-ci ilin dövlət büdcəsində 39 şəhər və rayonun dövlət büdcəsindən dotasiya almadan özünü maliyyələşməsinə hesablanıb:
Bu şəhər və rayonların 2019-cu ilin iqtisadi göstəriciləri dövlət büdcəsində bu düzəlişin edilməsini şərtləndirmişdir. 2020-ci ilin birinci rübündə isə 41 şəhər və rayonun göstəricilərində iqtisadi artım müşahidə olunub. Bu, təbii ki, ölkəmizdə həyata keçirilən qeyri-neft sektorunun diversifikasiyası siyasətinin uğuru hesab edilir.

Regionlarda sənaye müəssisələrinin fəaliyyətə başlaması bu artımları daha da çoxaldır. Mart ayından ölkəmizə daxil olan pandemiya 5 aylıq makroiqtisadi göstəricilərdə ölkə iqtisadiyyatının 1,7% azalmasına gətirib çıxartmışdır. Amma buna baxmayaraq kənd təsərrüfat 3%, qeyri-neft sənayesi isə 16% artmışdır. Karantin rejimi ilə əlaqədar bir çox sahələrin fəaliyyətlərinə tətbiq olunmuş məhdudiyyətlər isə həmin sahələrdə iqtisadi fəallığını azaltmışdır. Məsələn ölkənin turizm sektoru iflic vəziyyətinə düşüb. Düşünürəm bu müvəqqəti xarakter daşıyır və karantin tədbirləri bitdikdən sonra dövlətin dəstəyi ilə bu sektorun fəaliyyəti də bərpa olunacaqdır.

Bütün bunlara baxmayarq 6 ayın iqtisadi göstəricilərində özünümaliyyələşməyə keçmiş 39 şəhər və rayonun maliyyələşməsində problem yaranmamışdır. Hesab edirəm ki, qeyri -neft sektorunda iqtisadi fəallığın bərpasına dövlət dəstəyi vasitəsilə ilin sonuna qədər nəzərdə tutulmuş proqnozların icrası təmin olunacaq".

F.Ağayeva

Telegramda izləyin

instagramda izləyin