Bu ərəfədə buzlu qidalardan uzaq durun! - HƏKİM MƏSLƏHƏTİ

"Hər boğaz ağrısı və yüksək hərarət koronavirus deyil, soyuqdəymədir, narahat olmayın!"

Sonxeber.az xəbər verir ki, məsələ ilə bağlı həkim-fitoterapevt, apiterapevt, bitkilər üzrə elmi işçi Elnur Eldaroğlu özünün "İnstagram" səhifəsində yazıb. Onun sözlərinə əsasən, yay mövsümü ilə üst-üstə düşən pandemiya dövründə hər gün və davamlı dondurma yemək tövsiyə olunmur:

"Bu gün dondurma yedikdə, sabah hərarət və boğaz qıcıqlanması olan kimi elə anlaşılır ki, KORONAVİRUS əlamətidir. Əsla elə deyil. Ömür boyu dondurma yeyib bu əlamətlərlə rastlaşa bilərsiniz".

Həkim qeyd edib ki, bir çoxlarının sevdiyi dondurma həm çox soyuq, həm də şəkərlidir. Hər iki vəziyyət orqanizmdə immun sistemə təsir göstərir. Dondurma bədən temperaturunu kəskin salır, boğazda iltihabi ocaq yaradır, səsi tutur, angina, laringit, digər xəstəliklər yaradır. Bu zaman insan koronavirus infeksiyasına daha həssas olur, immuniteti düşür.

Dr. Eldaroğlu vurğulayır ki, belə olduğu təqdirdə, xəstəlik simptomlarının bir-birinə bənzədiyi üçün həm insanın özü, həm də həkim koronavirusdan şübhələnir:

"Bu zaman test götürmək lazım gəlir. Testin də cavabı, bilirsiniz də, sanki lotereya kimidir: pozitivmi, neqativmi. Ona görə lazımsız problemlərlə üz-üzə gəlməmək üçün, bu ərəfədə buzlu qidalardan uzaq durun, bədən temperaturunu normal saxlayın, bədənin və ayrı-ayrı orqanların soyumasına imkan verməyin. Əgər ürəyiniz çox istəsə belə, dondurucudan çıxaran kimi yeməyin, bir az gözləyin və çox yeməyin".
Qeyd edək ki, Elnur Eldaroğlu Azərbaycan Tibb Universitetinin məzunudur. Uzun illər Çin, Rusiya, Ukrayna, Türkiyə və Almaniyada alternativ tibb bölümünə aid fitoterapiya kursları keçib.

2009-2010-cu illərdə Ege Universitetində daxili xəstəliklər şöbəsində çalışıb.

2010-2012-ci illərdə dərman bitkiləri üzrə elmi-tədqiqat araşdırması və müalicəsi ilə məşğul olub.

"Dekorativ bitkilər xalq təbabətində" kitabının həmmüəllifi 2013- cü ildə dərman bitkiləri üzrə elmi iş fəaliyyətinə başlayıb.

"Dr. Eldaroğlu" markası ilə kompleks təsirə malik bir neçə bitki tərkibli dərmanların (Diabennur, Calcinur, Hepanur) tərkibinin müəllifidir.

Apifitoterapiya Mərkəzinin rəhbəri, həmçinin, Avropa Təbiət elmləri Akademiyasının və Türkiyə Apiterapiya cəmiyyətinin fəxri üzvüdür.

Telegramda izləyin

instagramda izləyin