"Paşinyanın məqsədi dünyanı bürümüş pandemiyada öz acizliyini ört-basdır etməkdir"-Deputat

Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşlərindən istifadə edərək hücuma keçməyə cəhd göstərib. Qeyd edilib ki, görülən adekvat tədbirlər nəticəsində düşmənə zərbə endirilib və o, itki verərək geri otuzdurulub. Ermənistan tərəfinin törətdiyi təxribat nətıcəsındə Azərbaycan Ordusunun 4 hərbi qulluqçusu şəhid olub, 4-ü isə yaralanıb.

Paşinyan daxili gərginliyi azaltmaq üçün belə addım atır. Əlbəttə, ordumuz kifayət qədər güclüdür və düşmən qüvvələri qətiyyətlə geri otuzdurulub.

Bu barədə deputat İlham Məmmədov Sonxeber.az-a açıqlama verib.

Deputat ilk olaraq şəhid olan hərbi qulluqçularımızın valideynlərinə və bütün Azərbaycan xalqına dərin hüznlə başsağlığı verib.

O, bildirib ki, Vətən uğrunda yenə də şəhid verdik və Vətən uğrunda qan axıtdıq:
"Bu axıdılan qan bu günlərdə şərəfsiz, vicdansız, siyasi təcrübəsi olmayan təlxək Ermənistan rəhbərliyinin idarəetmə üsulunun təxribatının nəticəsidir:

"Təbii ki, Paşinyanın məqsədi dünyanı bürümüş pandemiyada öz acizliyini ört-basdır etmək üçün təxribat törədərək bütün fikri bura yönəltmək istəyir. Sərsəm Paşinyan hələ başa düşə bilmir ki, Azərbaycan Ordusu və Azərbaycan oğulları Ali Baş Komandanın bir əmrini gözləyir. Bu gün hər birimiz deyirik ki, cənab Ali Baş Komandan siz əmr edin. Ermənilərin nəinki işğal etdiyi torpaqları, eyni zamanda əzəli və əbədi torpağımız olan İrəvanımızı qaytramağa hazırıq. Biz bundan çəkinmirik.

Hesab edirəm ki, erməni havadarları, Beynəlxalq Avropa Təşkilatları heç görəsən utanır, xəcalət çəkirlərmi? Yəni, beynəlxalq ictimaiyyətin buna qınağı çox kəskin olmalıdır. Lakin bu gün baxaq, ATƏT-in Minsk qrupu və yaxud Avropa Şurası səsini çıxardırmı? Bu qurumlar bu gün təəssüflər olsun ki, çox vicdansız mövqe nümayiş etdirirlər. Əgər Azərbaycan tərəfindən cüzi bir əlamət sezmiş olunsaydı həmin təşkilatlar bütün dünyanı ayağa qaldırmış olardılar.

Biz Vətənimizi, torpağımızı onsuz da qoruyacağıq və bütün dünya da bilir ki, şanlı Azərbaycan Ordusunun gücü nəyə qadirdir. Yəni bizə bir saat vaxt lazımdır ki, bayrağımızı İrəvanda sancaq və biz bunu edəcəyik. Həmin bu Avropa təşkilatları bu gün ağzına su alıb durmaqla eyni zamanda bəşəriyyətə qarşı bir xəyanət etmiş olurlar.
Təsadüfi deyil ki, bugünlərdə BMT-nin Baş Assambleyasının xüsusi sessiyasının keçirilməsi Azərbaycan dövlətinin rəhbərinin təşəbbüsü ilə baş tutub. Azərbaycan dövləti ilk dəfə olaraq möhtərəm prezidentimiz İlham Əliyevin təşəbbüsü və türkdilli dövlətlərin iştirakı ilə beynəlxalq səviyyədə koronavirusa qarşı mübarizə üçün onlayn konfrans keçirildi. Azərbaycan 30-dan çox dövlətə yardım etdi. Bu bizim missiyamızdır. Bu gün COVİD-19-a qarşı Azərbaycan Qoşulmamam Hərəkatının və eyni zamanda Ümumdünya Səhiyyə Təşkilatının xətti ilə bir çox ölkələrə yardım göstərir.

Şərəfsiz ermənilər isə belə bir kəskin pandemiya şəraitində təxribat törədərək atəşkəsi pozurlar. Bu vicdansızlıq və şərəfsizlikdir. Klon Paşinyan açsın qulağını və eşitsin ki, bizim də səbrimizin həddi-hüdudu var. Buna artıq dözmək olmaz. Bu ermənilərin törətdiyi təxribatın məhz zirvəsidir. Bütün dünya BMT Baş Asambleyasının xüsusi sesiyasının keçirilməsi üçün Azərbaycan tərəfini dəstəklədi, xoş sözlər bildirdi. BMT-nin baş katibi bu haqda cənab prezident İlham Əliyevlə videogörüntü vasitəsilə danışarkən fikirlərini bildirdi və təşəkkürünü etdi. Məhz bunu Azərbaycan tərəfindən təşəbbüs kimi yüksək qiymətləndirdi. Ermənistan bütün bəşəriyyətə bir bəladır. Terorizmin, faşizmin yuvası olan dövlətdən bundan artıq nə gözləmək olar? Hesab edirəm ki, belə bir terorist dövlətin mövcudluğu bütün dünya üçün təhlükədir. Onu da qeyd edim ki, ermənilərin bu təxribatına çox ağır cavab veriləcək. Çünki bu bizim son həddimizdir".

F.Ağayeva

Telegramda izləyin

instagramda izləyin