"Ordumuz o qədər güclü zərbələr endirib ki, artıq Yerevanda Paşinyana qarşı etirazlar başlayıb"-RƏY

Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşlərindən istifadə edərək hücuma keçməyə cəhd göstərib. Qeyd edilib ki, görülən adekvat tədbirlər nəticəsində düşmənə zərbə endirilib və o, itki verərək geri otuzdurulub. Ermənistan tərəfinin törətdiyi təxribat nətıcəsındə Azərbaycan Ordusunun 4 hərbi qulluqçusu şəhid olub, 4-ü isə yaralanıb.

Paşinyan daxili gərginliyi azaltmaq üçün belə addım atır. Əlbəttə, ordumuz kifayət qədər güclüdür və düşmən qüvvələri qətiyyətlə geri otuzdurulub.

Bu barədə politoloq Məhəmməd Əsədullazadə Sonxeber.az-a açıqlama verib.

Politoloq bildirib ki, Ermənistanın Tovuzda hərbi təxribatlara getməsi əlbəttə daxili auditoriyaya yönəldilmiş olsa da, bu Azərbaycana qarşı qəsddir:

"Ermənistanın bu təxribatların arxasında müəyyən kirli planlar olsa da, ordumuz işğalçı ölkəyə yerini göstərir. Bu gün Azərbaycan ordusu Cənubi Qafqazda güclü ordudur. Arsenalında olan silahlar və şəxsi heyətin döyüş ruhu imkan verir ki, bu kimi planları pozsun. Artıq Tovuzda rəşadətli ordumuz düşməni məğlub edib.

Bu döyüşlərin Qarabağda keçirilməsi mütləqdir. Demək, ordumuz o qədər güclü zərbələr endirib ki, artıq Yerevanda Paşinyana qarşı etirazlar baş verib. Ermənistan öz itkilərini gizlədir. Çünki çox itkilər Paşinyanın əleyhinə işləyə bilər. Azərbaycan Ordusunun balansında olan yeni nəsil silahlar Ermənistan üçün fəlakətdir. Onlar artıq KTMT-ya müraciət ediblər. Şanlı Azərbaycan ordusu qarşıya qoyulan vəzifələri layiqincə yerinə yetirir, qələbə tarixi yazır".

F.Ağayeva

Telegramda izləyin

instagramda izləyin