"Azərbaycanda avroya nisbətən dollara daha çox etibar edirlər"- EKSPERT

Avro dollardan daha cəlbedici olmağa başlayıb "Stoxx Europe 600" kompozit indeksi 2020-ci ilin mart ayının ortalarından bəri 3,5 trilyon dollara çatıb. Bu yaxınlarda iqtisadiyyata 750 milyard avro məbləğində dəstək verən maliyyə tədbirləri paketi Avropa valyutasını daha da möhkəmləndirdi. ABŞ və Çin arasındakı növbəti gərginlik, əksinə, Amerika valyutasına mənfi təsir göstərdi.
Avronun dollar qarşısında yüksəlməsi Azərbaycan iqitisadiyyatına nə kim təsiri olacaq?
Bu barədə iqtisadçı-ekspert Akif Nəsirli Sonxeber.az-a açıqlama verib.

Akif Nəsirli "dolların əhatə dairəsinin, avronun əhatə dairəsindən dəfələrlə çox" olduğunu bildirib:

"Valyutanın mövqeylərini təhlil edərkən, yalnız onların dəyərinə diqqət yetirmək lazım deyil. Ümumiyyətlə valyutanın iki parametri əsas götürülməlidir. O parametrlərdən biri onun dəyəri, ikincisi isə əhatə dairəsidir. Bu gün ola bilər ki, dollar avro qarşısında öz dəyərini itirsin.
Lakin, untumaq lazım deyil ki, dolların əhatə dairəsi avronun əhatə dairəsindən dəfələrlə çoxdur. Ona görə də biz istəsək də, istəməsək də bütün dünyada o cümlədən Azərbaycanda da avronun dolları əvəz etməsi, onu üstələməsi hazırkı, vəziyyətdə mümkün deyil. Hazırda Azərbaycanda insanlar avroya nisbətən dollara daha çox etibar edirlər və bu valyuta üzərində investisiya qoyurlar"

İqtisadçı "dolların ucuzlaşması idxal olunan məhsulların ucuzlaşmasına səbəb ola biləcəyini" vurğulayıb:

Dollar ucuzlaşarsa bu Azərbaycan üçün bir qədər müsbət nəticələri ola bilər. Bilrisiniz ki, Azərbaycan idxaldan aslı iqtisadiyyata malik bir ölkədir. İdxal edilən məhsulların 70-80 faizi dollarla alınaraq ölkəyə gətirilir. Ona görə də dolların ucuzlaşması idxal olunan məhsulların ucuzlaşmasına səbəb ola bilər. Digər tərəfdən bizim valyuta ehtiyatlarımızın çox hissəsi dollar üzərindən aparılır. Dolların dünya bazarında ucuzlaşması Azərbaycanın valyuta ehtiyatlarına ziyan vura bilər".

Türkay Həsənli

Telegramda izləyin

instagramda izləyin