Sahildən nəhəng "yadplanetli" balıq tapılıb - FOTOLAR

Avstraliya çayının sahilində nadir balıq tapılıb.

Sonxeber.az-ın verdiyi xəbərə görə, bu barədə "Daily Mail" yazır.

Balığı ilk dəfə görənlər onu "yadlanetli"yə bənzədirlər.
Belə ki, turist Tim Rotman dostu ilə birgə Viktoriya ştatının Kennet çayı sahilində, məşhur Avstraliya çimərliyində nəhəng balıq cəsədini tapıblar.

2,5 metr uzunluğu və bir neçə sentner çəkisi olan balıq ən ağır sümüklü balıqlardandır.

Günəş balığı (və ya ay balığı - ingiliscə "sunfish") olduğu ehtimal edilən bu balığın çəkisi 2 tondan çox ola, uzunluğu və eni isə 3-4 metrə çata bilir.

Molidae fəsiləsinə aid balıq növüdür.

Dünyanın ən qəribə görünüşlü və ən qalın dərisi olan (15 sm) balığıdır.

Günəş balıqlarının yumurtadan yeni çıxmış, 2-3 mm ölçüsündə olan balaları çox nadir hallarda rast gəlinir və böyüyüb 3-4 m uzunluğunda, 1-2 ton ağırlığında balığa "dönürlər"

Təxminən 25-30 il yaşaya bilirlər.

Bel üzgəcləri itidir. Eyni köpəkbalıqlarının üzgəclərinə bənzəyir. Amma çox sakit balıqlardır.

Ətləri yeyilmədiyinə görə insanlar üçün heç bir dəyəri yoxdur.

Daha çox Asiyanın, Afrikanın və Avstraliyanın ilıq sulu dənizlərində yaşayırlar.Amma dənizlərin çirklənməsinə görə sayları azalmaqdadır.

Telegramda izləyin

instagramda izləyin