Azərbaycanın Almaniyadakı səfirliyi Ermənistanın təxribatlarını qınadı

Azərbaycanın Almaniyadakı səfirliyi Ermənistanın təxribatlarını qınadıAzərbaycan Respublikasının Almaniya Federativ Respublikasındakı səfirliyi Ermənistanın Azərbaycan ərazilərinə hücumlarını və xaricdəki təxribatlarını qınayıb.

Səfirlikdən Sonxeber.az-a verilən məlumatda deyilir: "12 iyul 2020-ci il tarixində Ermənistan silahlı qüvvələri ağır artilleriya silahları ilə Azərbaycanın şimal-qərbində yerləşən Tovuz rayonundakı mövqelərinə hücum edib. Ermənistanın silahlı qüvvələrinin Azərbaycanın ərazisindəki hərbi mövqeləri ələ keçirmək cəhdlərinin qarşısı Azərbaycan Silahlı Qüvvələri tərəfindən alınıb. Artilleriya atəşi ilə müşayiət olunan 5 günlük intensiv hərbi toqquşmalar nəticəsində Azərbaycan Silahlı Qüvvələrinin 12 hərbçisi, o cümlədən bir neçə zabiti, eyni zamanda Tovuz rayonunun Ağdam kəndinin 76 yaşlı sakini, mülki şəxs Əziz Əzizov həyatını itirib.

Ermənistanın Azərbaycanın hərbi mövqelərini və yaşayış məntəqələrini atəşə tutması və Azərbaycan ərazilərindəki mövqeləri zəbt etməyə yönəlmiş hərbi əməliyyatları suveren dövlətə qarşı açıq hərbi təcavüz və beynəlxalq hüququn norma və prinsiplərinin ciddi şəkildə pozulmasıdır. Ermənistan həmçinin Azərbaycanın Tovuz rayonunun sərhədyanı kəndlərində mülki əhaliyə qarşı silahlı hücumları ilə müharibə cinayəti edib və 1949-cu il Cenevrə Konvensiyası ilə öz üzərinə götürdüyü öhdəlikləri pozub.

Ermənistanın qeyd olunan təcavüzü, onun bölgədəki vəziyyətin daha da gərginləşməsinə xidmət edən qeyri-konstruktiv fəaliyyətinin və ritorikasının davamı kimi nəzərdən keçirilməlidir. Azərbaycanın Dağlıq Qarabağ bölgəsinin və digər yeddi ətraf rayonunun - dövlət ərazisinin beşdə bir hissəsinin - qanunsuz işğalına son qoymaq və bir milyondan çox qovulmuş azərbaycanlının evlərinə qayıtmasına şərait yaratmaq əvəzinə, Ermənistan qarşıdurmanı daha da gücləndirməyə və sərhəd bölgələrində yeni ərazilər tutmağa çalışır. Əlbəttə ki, bu həmçinin münaqişənin dinc həlli üçün məsul olan və Almaniyanın da üzvü olduğu ATƏT-in Minsk Qrupu çərçivəsində aparılan sülh prosesinə ağır zərbədir.

Azərbaycan uzun illərdən bəri aparılan danışıqların nəticə verməməsinə, eləcə də Ermənistandan hüquqi, siyasi, hərbi-texniki və iqtisadi üstünlüyünə baxmayaraq, indiyə qədər Ermənistanın təcavüzünün ağır nəticələrini daşımalı olsa da, bu günə qədər sülh prosesinə sadiq qalıb. Sülh prosesində hər zaman substantiv danışıqları əngəlləyən və status-kvonun möhkəmlənməsinə çalışan Ermənistan isə beynəlxalq hüququn və BMT Təhlükəsizlik Şurasının 1993-cü ildə qəbul etdiyi dörd qətnaməsinin tələblərindən yayınmaq məqsədilə bu cür təxribatlar və gərginliklər yaratmaqla sülh prosesini təhlükə altına almağa səy göstərir.

Görünür ki, bu ölkə təqribən 30 ildən bəri davam edən işğalçılıq siyasəti qarşılığında beynəlxalq birlik tərəfindən təzyiq görmədiyi üçün qonşu Azərbaycanın yeni ərazilərini işğal etmək həvəsinə düşməkdən də çəkinmir.

Ermənistanın beynəlxalq səviyyədə tanınmış sərhəddə törətdiyi zorakılıq aktları və bunun ardınca özünün səbəb olduğu eskalasiya ilə əlaqədar Kollektiv Təhlükəsizlik Müqaviləsi Təşkilatının xüsusi iclasını çağırmaq cəhdi sübut edir ki, o, hərbi müttəfiqlərini də Azərbaycanla münaqişəyə cəlb etməyə çalışır. Amma Ermənistan bu niyyətinə çata bilməyib.

Azərbaycan bundan sonra da BMT nizamnaməsinə uyğun olaraq özünümüdafiə hüququndan istifadə etməyə davam edəcək, öz ərazisi və əhalisini istənilən təcavüz aktından qorumaq üçün lazım olan bütün tədbirləri görəcəkdir.

Birmənalı olaraq Azərbaycan ərazilərinin beynəlxalq hüquq normalarına zidd şəkildə işğal altında saxlanmasının nəticəsi olan yeni gərginliklə bağlı artan təzyiqdən xilas olmaq və əvvəllər olduğu kimi danışıqlar prosesini əngəlləmək məqsədilə Ermənistan indi də Ermənistan-Azərbaycan münaqişəsini etnik zəminə keçirməyə çalışır. Buna nail olmaq üçün Ermənistan ermənilər və azərbaycanlılar arasında məqsədli təxribatlar törətmək və Azərbaycanın diplomatik nümayəndəliklərinin ünvanına böhtan atmaqla xarici ölkələrdə nifrət və zorakılıq aksiyalarını təşviq etməyə çalışır. ABŞ, Rusiya və Avropa ölkələrində dinc azərbaycanlı nümayişçilərə qarşı nifrətlə köklənmiş erməni mənşəli şəxslər tərəfindən vəhşicəsinə hücumlar edilib. Onlarla cinayətkar həbs olunub.

Öz zorakılıq aksiyalarını pisləmək əvəzinə rəsmi erməni tərəfi və erməni diaspor təşkilatları bugünlərdə Almaniyadakı və digər müxtəlif ölkələrdəki Azərbaycan diaspor təşkilatlarının guya zorakılıq fəaliyyəti barədə əsassız iddialar irəli sürürlər. Bu iddialar yalandır və onları qətiyyətlə rədd edirik!

Cinayətkar əməllər müvafiq ədliyyə orqanları tərəfindən araşdırılmalıdır. Müəyyən hadisələrlə bağlı hüquqi mühakimə olmadan kimisə günahlandırmağın adı böhtandır.

Biz öz tərəfimizdən, Azərbaycan Respublikasının Birinci Vitse-prezidenti Mehriban xanım Əliyevanın müraciətində qeyd etdiyi kimi, Almaniyada yaşayan bütün azərbaycanlıları rasional davranmağa, təxribata imkan verməməyə və ədalət naminə mübarizəni yalnız qanun çərçivəsində davam etdirməyə çağırırıq!".

Mətbuat relizi Almaniyanın aşağıdakı xəbər portallarında alman dilində dərc olunub:

https://pressemitteilungen.sueddeutsche.de/botschaft-der-republik-aserbaidschan-4667548

https://www.tagesspiegel.de/advertorials/ots/botschaft-der-republik-aserbaidschan-die-botschaft-der-republik-aserbaidschan-verurteilt-die-armenischen-angriffe-auf-aserbaidschanisches-staatsgebiet-und-provokationen-im-ausland/26056420.html

https://www.presseportal.de/pm/105475/4667548

https://www.aachener-nachrichten.de/advertorials/presseportal/die-botschaft-der-republik-aserbaidschan-verurteilt-die-armenischen-angriffe-auf-aserbaidschanisches-staatsgebiet-und-provokationen-im-ausland_aid-52529481

https://your-first-way.com/2020/07/31/die-botschaft-der-republik-aserbaidschan-verurteilt-die-armenischen-angriffe-auf-aserbaidschanisches-staatsgebiet-und-provokationen-im-ausland/

https://www.volksfreund.de/pr/presseportal/die-botschaft-der-republik-aserbaidschan-verurteilt-die-armenischen-angriffe-auf-aserbaidschanisches-staatsgebiet-und-provokationen-im-ausland_aid-52529469

https://www.saarbruecker-zeitung.de/pr/presseportal/die-botschaft-der-republik-aserbaidschan-verurteilt-die-armenischen-angriffe-auf-aserbaidschanisches-staatsgebiet-und-provokationen-im-ausland_aid-52529499


Sonxeber.az Telegramda izləyin
Siyasət   Baxılıb: 1241   Tarix: 01 avqust 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Azərbaycanda bu imkan İrəvandan dəfələrlə çoxdur" - ŞƏRH

"Ermənistan Xarici İşlər naziri Zöhrab Mnatsakanyanın İsraildən Azərbaycana silah satışı həyata keçirməsini dayandırmasını tələb etməsi məntiqsizlikdir". . . Bunu "MediaPost"a açıqlamasında siyasi şərhçi İlkin Həsənov deyib. Onun sözlərinə görə, İrəvanın İsrailə qarşı hansısa tələ

1 avqust

Cəbhədəki vəziyyətlə bağlı nazirlikdən AÇIQLAMA

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 36 dəfə pozub.. . Müdafiə Nazirliyindən Sonxeber.az-a verilən məlumata görə, Ermənistan Respublikası Berd rayonunun Mosesqex və Çinari kəndlərində yerləşə

1 avqust

Azərbaycan və İran prezidentləri arasında telefon danışığı olub

İyulun 31-də Azərbaycan Respublikasının Prezidenti İlham Əliyev İran İslam Respublikasının Prezidenti Həsən Ruhaniyə telefonla zəng edib.. . Bu barədə Prezidentin Mətbuat Xidməti məlumat yayıb.. . Dövlətimizin başçısı İran İslam Respublikasının Prezidentini və qardaş İran xalqını müqəddəs Qurban bayram

31 iyul

"Paşinyan həmişəki kimi anormal siyasət yürüdür"

"Cənab prezident İlham Əliyevin etdiyi çıxışda Paşinyanın dediklərini cəfəngiyat adlandıraraq heç vaxt bu cür şərtlərə getməyəcəyini açıqladı. Azərbaycanın səbri tükənib və son döyüşlər də göstərdi ki, Azərbaycan Ordusunun şücaəti ilə biz hər an döyüşləri başladıb işğalda olan torpaqlarımızı aza

31 iyul

Milli Məclis avqustun 6-7-də də toplanacaq, gündəlikdə altı məsələ var

Milli Məclisin növbədənkənar sessiyasının növbəti plenar iclaslarının vaxtı məlum olub.. . Sonxber.az-ın xəbərinə görə, parlamentin növbədənkənar sessiyasının növbəti plenar iclasları avqustun 6 və 7-də keçiriləcək.. . İclasda aşağıdakı məsələlər ikinci və üçüncü oxunuşda müzakirəyə çıxarılacaq.. . 1.Azərbayca

31 iyul

Milli Məclisin növbədənkənar iclasının vaxtı və gündəliyi məlum olub

Milli Məclisin növbədənkənar iclası keçiriləcək.. . Milli Məclisin Mətbuat və ictimaiyyətlə əlaqələr şöbəsindən Sonxeber.az-a verilən məlumata görə, iclasın avqust ayının 5-də keçirilməsi gözlənilir.. . İclasın gündəliyinə altı məsələ daxil edilib.. . Bunlar "Azərbaycan Respublikasının 2020-ci i

31 iyul

"Bizim şərtlər icra olunmazsa, müharibə qaçılmazdır" - RƏY

"Paşinyanın cavabını ümumi şəkildə İlham Əliyev lazımı qədər verdi". . Bunu "MediaPost"a açıqlamasında "Atlas" Araşdırmalar Mərkəzinin direktoru, politoloq Elxan Şahinoğlu deyib. . . Politoloq bildirib ki, dövlət başçısı İlham Əliyevin açıqlamaları çox vacib idi. Çünki Paşinyanı

31 iyul

"İlham Əliyevin növbəti qətiyyətli çıxışı erməni tərəfinə dərs oldu"

"Biz bütün qalan şərtləri də rədd edirik və prezidentin də dediyi kimi, kağızı da zibil vedrəsinə atırıq". . Bunu "MediaPost"a açıqlamasında Prezident İlham Əliyevin çıxışına münasibət bildirərkən "Xocalı Soyqırımını Tanıtma" İctimai Birliyinin sədri Şamil Sabiroğlu deyib.

31 iyul

İlham Əliyev: "Ermənistanın hünəri varsa, tanısın "Dağlıq Qarabağ respublikası"nı"

"Mənə bu yaxınlarda məlumat verildi ki, Ermənistanın baş naziri Azərbaycana yeddi şərt irəli sürüb. Hesab edirəm, ağlı başında olan hər bir adam açıq-aydın görə bilər ki, bu şərtlərin heç biri qəbuledilən deyil. Bu şərtlərdən biri odur ki, Azərbaycan qondarma "Dağlıq Qarabağ respublikası"

30 iyul