"Azərbaycanfilm" Kinostudiyasından Milli Kino Gününə ÖZƏL VİDEO

"Azərbaycanfilm" Kinostudiyasından Milli Kino Gününə ÖZƏL VİDEOAvqustun 2-si Azərbaycanda Milli Kino Günüdür.

Ümummilli lider Heydər Əliyevin 18 dekabr 2000-ci il tarixli sərəncamı ilə hər il avqustun 2-də qeyd olunan Milli Kino Günü tarixdə ilk dəfə olaraq pandemiya dövrünə təsadüf edir. Və məhz bu səbəbdəndir ki, bu gün xüsusi təmtəraqla qeyd edilmir. COVİD-19 pandemiyasının yayılmasının qarşısının alınması səbəbi ilə ölkəmizdə tətbiq olunan karantin rejimi ilə əlaqədar olaraq Mədəniyyət Nazirliyi və Cəfər Cabbarlı adına "Azərbaycanfilm" Kinostudiyası bu gün üçün kreativ addım atıb.

Sonxeber.az Publika.az-a istinadən xəbər verir ki, "Azərbaycanfilm" Kinostudiyası xüsusi olaraq videomaterial hazırlayıb və kino işçilərini onlayn olaraq təbrik edib. 20 ildir qeyd olunan Azərbaycan Milli Kino Günü üçün özəl olaraq hazırlanan videomatrialda Azərbaycanın tanınmış simaları öz fikirlərini bölüşüblər.

Azərbaycanın xalq yazıçısı Çingiz Abdullayev bu günü daha yaxşı şəraitdə qeyd etməyi arzu edib: "Bu illər ərzində nə qədər insan itirmişik, onları yadıma salıram. 80-ci illərdən başlayaraq bizim rejissorlarımız, operatorlarımız, hamısı bu hadisələri çəkirdilər. Onlar olmasaydı, bəlkə də biz çoxunu bilməzdik".

Əməkdar incəsənət xadimi, tanınmış kinorejissor Ayaz Salayev 40 ildən artıqdır kino sahəsində olduğunu diqqətə çatdırıb: "Amma bu gün keçmiş haqqında düşünmürəm. Bu gün kinomuzun gələcəyi - Müstəqil ölkənin müstəqil kinematoqrafiyasının yaranması haqqında düşünürəm".

Aktrisa Günəş Mehdizadə kino sahəsində olduğuna görə özünü xoşbəxt hiss etdiyini bildirib. Həm də qeyd edib ki, onun kinoda ilk filmi Azərbaycan kinosunun mürəkkəb təsadüf edib.

Əməkdar artist Tahir İmanov isə "Belə bir deyim var – "İncəsənət heç cür siyasətlə bağlı deyil". Bu fikirlər qəti razı deyiləm. Kino incəsənətin digər sahələri kimi dövlət siyasəti ilə sıx təmasda olub və ölkəmizi müxtəlif dövrlərdə layiqincə təmsil edib, edir və edəcək", deyə fikirlərini bildirib.
Xalq artisti, Azərbaycan kinosuna saysız-hesabsız yaddaqalan filmlər bəxş edən Ramiz Fətəliyev kinonun insanı əsir götürdüyünü vurğulayıb: "Öz payıma deyirəm kino çox qəribə sənətdir, qəribə bir peşədir. İnsanı sanki əsir götürür. Özü də ömürlük..."

Azərbaycanın xalq artisti, yaratdığı bir çox obrazlarla yaddaşlarda unudulmaz izlər buraxan sevimli aktyor Fəxrəddin Manafovun bu günlə bağlı çıxışı da maraq doğurur. "Kino… Kino haqqında düşünmürdüm, idman, futbolçu olmaq arzusunda idim. Futbolda uğurlarım da var idi, amma bir gün, bir anda fəlsəfəm dəyişdi, kino gəldi… KİNO!", deyə Fəxrəddin Manafov bildirib. Avqustun 2-si həm də sevimli aktyorumuzun and günüdür.

Qeyd edək ki, Cəfər Cabbarlı adına "Azərbaycanfilm" kinostudiyası 1920-ci ildə "Azərbaycan XMK-nın İncəsənət Şöbəsi" adı altında təsis olunub. Kinostudiyanın hazırkı direktoru Nazim Hüseynovdur. 100 illik fəaliyyəti dövründə Azərbaycan kino salnaməsinə əvəzsiz, kino tarixinə qızıl hərflərlə yazılan filmlər bəxş edib. 1958-ci ildən kinostudiya "Azərbaycanfilm" kinostudiyası adlandırılıb. Bir ildən sonra isə quruma drammaturq Cəfər Cabbarlının adı verilib. 1966-cı ildə bu binada artıq kino istehsalına başlanılıb. 100 illik fəaliyyəti dövründə "Azərbaycanfilm" Kinostudiyasının istehsalı ilə müxtəlif illəri əhatə edən saysız-hesabsız sənədli, bədii filmlər istehsal olunub.

1898-ci ildə neft Bakısına dair ilk xronikal süjetlərin nümayişi ilə başlayan və demək olar ki, dünya kinosu ilə həmyaşıd olan Azərbaycan kino sənəti mədəniyyət salnaməmizə parlaq səhifələr yazaraq, onilliklər ərzində soydaşlarımızda milli-mənəvi dəyərlərə hörmət və Vətənə məhəbbət hisslərinin aşılanmasına xidmət edib, xalqımızın yeni nəsillərinin dünyagörüşünün formalaşmasına güclü təsir göstərib. Səssiz-səsli, rəngsiz-rəngli kimi mərhələləri özündə birləşdirən böyük bir inkişaf yolu keçmiş milli kino sənətimiz xüsusilə XX əsrin 60-70-ci illərdə özünün intibah dövrünü yaşayıb.

Azərbaycan kinosunun inkişafında, kinematoqrafçıların yaradıcılıq potensiallarının reallaşmasında, layihələrin işıq üzü görməsində kino işçilərinin ən etibarlı təəssübkeşi və hamisi, ümummilli lider Heydər Əliyevin misilsiz xidmətləri olub. Xüsusilə ötən əsrin 70-ci illərdə respublikamıza rəhbərlik edən ulu öndər Heydər Əliyevin bu sahəyə diqqət və qayğısı sayəsində kino sənətimizin incisi olan neçə-neçə ekran əsəri ərsəyə gəlib. 1980-ci illərin sonu, eləcə də müstəqilliyimizin ilk illəri respublika həyatının, o cümlədən mədəniyyətin digər sahələrində olduğu kimi, kino sənətində də çətin dövr olmuşdur. Lakin sənətə sadiq insanlar bütün çətinliklərə rəğmən kinonu tərk etməyib, köklü ənənələrə malik kinematoqrafiyamızı yaşatmağa nail olublar.

Ümummilli lider Heydər Əliyevin ikinci dəfə hakimiyyətə gəlişi ilə mədəniyyətimizə, həmçinin kinoya diqqət artmış, bu sahəyə dövlət vəsaitinin ayrılması bərpa edilib. Sonrakı illərdə dövlət dəstəyi ilə Azərbaycan kinosunun yeni inkişaf dövrü başlanmışdır. Məhz Ulu Öndərin 2000-ci il 18 dekabr tarixli Sərəncamı ilə 2 avqust Azərbaycan Kinosu Günü – kino işçilərinin peşə bayramı kimi qeyd olunur.

Sonda onu da qeyd etmək istərdik ki, bu gün xüsusi və təmtəraqlı tədbirlərin keçirilməsi nəzərdə tutulsa da, pandemiya dövrünə təsadüf etdiyi üçün artıq bütün planlar gələn il – 2021-ci ildə həyata keçiriləcək. Növbəti illərdə Milli Kino Günümüzün daha möhtəşəm keçirilməsi arzusu ilə - "Azərbaycanfilm" bütün kino işçilərini təbrik edir. Bayramınız mübarək, əziz Azərbaycan kinosunun fədakarları!


Sonxeber.az Telegramda izləyin
Mədəniyyət   Baxılıb: 2845   Tarix: 02 avqust 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Builki Həccdə Zəvvarlara sterilizə edilmiş daşlar paylanıb

Dünya müsəlmanları müqəddəs Qurban bayramını qeyd edirlər. Əvvəllər hər il 2 milyondan çox müsəlmanın ziyarət etdiyi Kəbə evinə bu il 1000-ə yaxın zəvvarın ziyarətinə icazə verilib.. . Sonxeber.az Modern.az-a istinadən xəbər verir ki, Səudiyyə Ərəbistan Krallığının qərarına görə, bu il Həcc ziyarət

31 iyul

Filmdə qılıncla məşq edərkən qadının boğazını kəsdi - FOTO

Tarixi rekonstruksiyanın məşqi zamanı vikinq geyimində olan qadın ölümcül təhlükəli travma alıb.. . Sonxeber.az oxu.az-a istinadən xəbər verir ki, hadisə İngiltərənin Kent qraflığında baş verib.. . Məlumata görə, tarixi hadisələri səhnələşdirərkən qılıncla məşq edən kişi təsadüfən qadının boğazını kəsib.

28 iyul

70 yaşlı məşhur dizayner zahiri görünüşü ilə hamını mat qoydu - VİDEO

Toy paltarları kolleksiyası ilə məşhurlaşmış dizayner Vera Vonqun karantin günlərində "Instagram" hesabından paylaşdığı şəkillər sosial şəbəkələrdə böyük maraq doğurub.. . Bu barədə "Daily Mail" xəbər yayıb.. . Məlumata görə, iyunun 27-də 71 yaşını qeyd edəcəkdizayner əvvəllər fiqurl

12 may

Heydər Əliyevin anadan olmasının 97-ci ildönümü münasibətilə virtual konsert keçiriləcək

Heydər Əliyev Fondunun təşkilatçılığı ilə Azərbaycan xalqının ümummilli lideri Heydər Əliyevin anadan olmasının 97-ci ildönümü münasibətilə virtual konsert proqramı hazırlanıb. Ölkə ərazisində koronavirus (COVID-19) pandemiyası ilə bağlı xüsusi karantin rejimi tətbiq olunduğundan layihə Heydər Əliye

10 may

"Rokun atası" kimi tanınan əfsanəvi musiqiçi vəfat etdi

Rok-n-roll janrının banilərindən biri, "rokun atası" kimi tanınan Litl Riçard (Riçard Penniman) vəfat edib.. . Bu barədə "Rolling Stone" nəşri məlumat yayıb.. . 78 yaşında vəfat edən musiqiçinin oğlu Denni Penniman nəşrə məlumatında atasının ölüm səbəbinin məlum olmadığını bildirib

10 may

Azərbaycanın əməkdar artisti İstanbuldan onlayn konsert verdi

Azərbaycan Diasporuna Dəstək Fondunun təşəbbüsü ilə Azərbaycanın Əməkdar artisti, dirijor, bəstəkar və pianoçu Turan Manafzadə Türkiyənin İstanbul şəhərindən onlayn konsert verib.. . Sonxeber.az AZƏRTAC-a istinadən bildirir ki, konsert proqramı COVID-19 pandemiyasına qarşı qabaqlayıcı tədbirlər çərçivəsind

3 may

Əməkdar artistin halı pisləşib, qonşuları təcili yardım çağırıblar

Əməkdar artist Nahidə Orucovanın halı pisləşib.. . Sonxeber.az axşam.az-a istinadən bildirir ki, aktrisa bu haqda İnstaqram-da canlı yayımda deyib. O, ATV-nin əməmkdaşı Əli Novruzəliyevin qonağı olan zaman özünü yaxşı hiss etmədiyini bildirib.. . Orucova bildirib ki, qəfildən huşunu itirib və yıxılıb

26 aprel

Qardaşının qara kağızını alan, oğlunun vaxtsız ölümündən sarsılan XALQ ARTİSTİ - FOTOLAR

30 mart tarixi Azərbaycanın görkəmli opera müğənnisi, səhnəmizin Ərəbzəngisi, xalq artisti Gülxar Həsənovanın anım günüdür.. . . Modern.az-ın məlumatına görə, Gülxar İbrahim qızı Həsənova (Sultanova) 10 dekabr 1918-ci ildə Şəmkir rayonunun Bayramlı kəndində İbrahim ağa ilə Nabat xanımının ailəsində anada

30 mart

Məşhur aktrisadan İSMARIŞ: "Həzm edə bilməyənlər üçün..."

"Atılmışlar" serialının aktrisası Fəridə Şahbazova onu sevməyənlərə sosial şəbəkə vasitəsi ilə ismarış yollayıb.. . Publika.az xəbər verir ki, ulduz pozitiv ruhda çəkilən fotosunu paylaşaraq hər kəsi neqativ duyğulardan azad olmağa səsləyib:. . "Bu şəkil məni həzm edə bilməyənlər üçü

9 mart