Avqust ayında aztəminatlı ailələrə 190 manat birdəfəlik müavinət veriləcəkmi? - AÇIQLAMA
Avqustun 3-də 13 şəhər və rayonda tədbiq edilən sərt karantin rejimi avqustun 31-nə kimi uzadılıb. Tədbiq edilən sərt karantin rejiminə bir çox müəssisələrin fəaliyyəti dayandırılıb. Avqust ayında aztəminatlı ailələrə 190 manat birdəfəlik müavinət verilə bilərmi?
Bununla bağlı Sonxeber.az-a danışan deputat Ramil Həsən bildirib ki, Nazirlər Kabineti yanında Operativ Qərargah avqustun 3-də növbəti mərhələ üçün qərarlarını açıqladı:
"Sms icazə ləğv edilsə də avqustun 31-nə kimi 13 rayon və şəhərdə sərt karantin rejimi saxlanıldı. Açıqlamalarda gödüyünüz kimi rayonlara gediş-gəliş, çimərliklərlə bağlı verilən qərarlar açıqlandı. Əgər sərt karantin rejimi avqustun 31-nə kimi davam edəcəksə 190 manat müavinətin verilməsi məsələsi hökumət tərəfindən müzakirə olunmaqdadır.
Azərbaycan dövləti hər zaman vətəndaşının yanındadır. Olmaqda da davam edir. Bu gün verilən qərarlar vətəndaşın sağlamlığının və təhlükəsizliyinin təmin edilməsinə yönəlib. Bundan əlavə vətəndaşların sosial rifahının yaxşılaşdırılması və daha da gücləndirilməsi üçün müəyyən tədbirlər görülür. O tədbirlərdən biri də 190 manat birdəfəlik müavinətin verilməsidir.
Hesab edirəm ki, 190 manat birdəfəlik müəvinətin verilməsi müsbət həll edilərsə aztəminatlı ailələr və fəaliyyəti dayandırılmış iş yerlərinin əməkdaşları üçün kiçik də olsa maddi dəstək olacaq. Əlbəttə bundan fəaliyyəti dayandırılmış müəssisə sahiblərinə 250 manat vəsaitin verilməsi, dövlətin tərəfindən verilən güzəştli kreditlər və iqtisadiyyatın dirçəldilməsi üçün hökumət tərəfindən atılan addımların hər biri bu sahədə aparılan paket tədbirlərin tərkib hissəsidir".
Deputat qeyd edib ki, "COVİD 19" pandemiyasına görə dövlətimizin həyata keçirdiyi qabaqlayıcı tədbirlər çərçivəsində insanlara necə dəstək verməliyik ki, onlar asudə vaxtlarını keçirib, yayın müəyyən imkanlarından istifadə edə bilsinlər:
"Bakı şəhərində də az da olsa rahatlama və yüngülləşdirmə olsun. Əslində bu epidemiyanın qaşısını da ala bilər. Düşünürəm ki, Bakı şəhəri müəyyən qədər boşaldılmaldır. Azərbaycan Respublikasının Prezidenti cənab İlham Əliyevin başçılığı altında fevralın sonundan etibarən koronavirusla mübarizə çərçivəsində dövlətimiz və Operativ Qərargah tərəfindən uğurlu şəkildə vətəndaşlarımızın sağlamlığını qorunub, sosial rifahının gücləndirilməsi istiqamətində çox mühüm addımlar atılmaqdadır. Təəssüf ki, insanlarımız zamanında qoyulan qaydalara əməl etsəydilər, bu gün yoluxmalar az olardı və bəlkə də uzadılma da olmazdı. Ona görə növbəti dəfə də uzadılmanın olmaması üçün insanlarımız sosial məsuliyyətlərini dərk edib, qoyulan qaydalara əməl etsinlər. Biz koronavirusla yaşamağı öyrənməliyik. Ümumdünya Səhiyyə Təşkilatının elan etdiyi uzun müddət bu xəstəlik insanlarla bir yerdə olacaq. Hər birimiz bu xəstəliklə bir yerdə yaşamağı, işləməyi, istirahət etməyi və səyahət etməyi bacarmalıyıq".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş