"Cənab prezidentin iradlarına qurumların dərhal reaksiya verməsi müsbət haldır"-DEPUTAT

Ölkə başçısnın son müşavirədəki iradlarından sonra dövlət şirkətlərinin, qurumların dərhal buna reaksiya verməsi müsbət haldır. Bu çeviklik ondan xəbər verir ki, qarşıdakı görəcəkləri işlər verilən tapşırıqlara uyğun olacaq. Burada "SOCAR"ın rəhbəri Rövnəq Abdullayev və "Azərbaycan Dəmir Yolları" Qapalı Səhmdar Cəmiyyətinin rəhbəri Cavid Qurbanov da öz komandası ilə müşavirə keçirərək, bütün iradları diqqətlə nəzərdən keçirdilər.

Bununla bağlı Sonxeber.az-a danışan deputat Aydın Hüseynov bildirib ki, dövlət tərəfindən datasiya alan şirkətlər fəaliyyətini genişləndirməlidir:

"Eyni zamanda həmin şirkətlər dövlətdən asılılığı azaltmalıdırlar. Mən hesab edirəm ki,"SOCAR" və "Azərbaycan Dəmir Yolları" Qapalı Səhmdar Cəmiyyəti bu sahədə cənab prezidentin iradlarına və tapşırıqlarına operativ yanaşdılar. Bu istiqamətdə işlərini daha da mükəmməl qurmaq üçün operativ addımlar atdılar. Bu çox müsbət haldır. Əgər ölkə başçısı tapşırıq verirsə bu icra edilməlidir. Cənab prezidentin tapşırıqlarında nəticə çıxarıb ciddi reaksiya vermək digərləri üçün də bir örnəkdir. Hesab edirəm ki, hər iki şirkət ölkə başısının tapşırıqlarını yerinə yetirəcək, verilən tapşırıqların həlli istiqamətində konkret addımlar atacaqlar. Çünki onların buna potensialları və rəhbərlik səriştələri kifayyət qədərdir".

Aysel Yusifqızı

Telegramda izləyin

instagramda izləyin