Cənab prezidentin iradlarından sonra digər şirkətlər də öz fəaliyyətini daha çevik və operativ quracaqlar"- DEPUTAT

Ölkə başçısnın son müşavirədəki iradlarından sonra dövlət şirkətlərinin, qurumların dərhal buna reaksiya verməsi müsbət haldır. Bu çeviklik ondan xəbər verir ki, qarşıdakı görəcəkləri işlər verilən tapşırıqlara uyğun olacaq. Burada "SOCAR"ın rəhbəri Rövnəq Abdullayev və "Azərbaycan Dəmir Yolları" Qapalı Səhmdar Cəmiyyətinin rəhbəri Cavid Qurbanov da öz komandası ilə müşavirə keçirərək, bütün iradları diqqətlə nəzərdən keçirdilər.

Bununla bağlı Sonxeber.az-a danışan deputat İlham Məmmədov bilidirb ki, cənab prezident yeni struktur islahatların yeni tərkib formasını elan edib:

"Yəni bu gün elə dövrdür ki, yeni innovativ metodlarla idarəetmə sisteminə keçiriməlidir. Bununla əlaqədar olaraq cənab prezident tövsiyə xarakterli və olduqca sərt şəkildə yeni bir strateji yol xəritəsi təqdim etdi. Buna uyğun olaraq səhmləri dövlətə məxsus olan şirkətlər işlərini cənab prezidentin göstərişinə uyğun qurmalıdır. Hesab edirəm ki, "SOCAR" və "Azərbaycan Dəmir Yolları" Qapalı Səhmdar Cəmiyyəti cənab prezidentin iradlarından dərhal sonra bilirsiniz ki, təcili toplantı keçirib, konkret addımlar atdılar. Son illər dəmir yolunda gedən yeni infrastruktur dəyişikliklər və müasirləşmək göz önündədir. Sərnişin və yük daşımalarında Azərbaycan Dəmir Yolları artıq öz sözünü deyib. Hesab edirəm ki, cənab prezidentin çağırışlarından sonra, digər şirkətlər də öz fəaliyyətini daha çevik və operativ cavab quracaqlar".

Aysel Yusifqızı

Telegramda izləyin

instagramda izləyin