"Paşinyan Tovuzda və Qazaxda növbəti təxribata əl ata bilər"-Politoloq

"Ermənistan Türkiyə silahlı qüvvələrinin Azərbaycanla birgə keçirdiyi hərbi təlimlərindən dolayı təxribatlara əl atmır. Ermənistanın Tovuzda hərbi təcavüzündən sonra, danışıqlar prosesində durğunluq hökm sürür. Qarabağ cəbhəsində də nisbi sakitlikdir.
Ermənistan Türkiyə silahlı qüvvələrinin Azərbaycanla birgə keçirdiyi hərbi təlimlərindən dolayı təxribatlara əl atmır. Artıq, Türkiyə ilə birgə hərbi təlimlər başa çatıb. Türk ordusu buradan getdikdən sonra, Ermənistan Tovuz və Qarabağ istiqamətində təxribatlara əl atacağı istisna deyil.
Azərbaycan hazır olmalı və mümkün təxribatlara qarşı, Qarabağda işğalçılara güclü zərbələr endirməlidir".

Bu sözləri politoloq Məhəmməd Əsədullazadə Sonxeber.az-a açıqlamasında söyləyib.

Politoloq, Qarabağ danışıqlarının bərpası istiqamətində ATƏT-in Minsk qrupunun regiona yenidən səfəri planlaşdırdığını və növbəti səfərdə qovluqda yeni şərtlərin olacağını bildirib:

" Bura Qarabağ və Azərbaycan icmalarının danışıqlar prosesinə qatılmasıdır. Amma, həmsədrlər ilk öncə erməni separatçılarının bir müddət danışıqlarda yer alması, sonra Azərbaycan icmasının danışıqlarda yer alması təklifini irəli sürəcəklər.

Əlbəttə ki, Azərbaycan yalnız, bərabər hüquqda danışıqlara icazə verməlidir. Bu da Ermənistan tərəfindən qəbul edilməyəcək. Həmsdərlər növbəti dəfə Azərbaycan və Ermənistan xarici işlər nazirlərinin görüşünü təşkil edəcəklər. Həmsədrlərin yuxarıda qeyd etdiyim təklifdən başqa, hər hansı bir təklifləri yoxdur. Yenidən danışıqların başlanması üçün "Yenilənmiş Madrid prinsipləri" üzrə Ermənistana təklif ediləcək. Amma, Ermənistan tərəfi bu prinsipləri qəbul etmir.

Politoloq, Ermənistanın substantiv və real danışıqlara getməyəcəyini vurğulayıb.

"Ermənistan substantiv və real danışıqlara getməyəcək. Çünki, Ermənistan daxilində Baş nazir Nikol Paşinyanın siyasi vəziyyəti mürəkkəbdir. O, müsbət dəyişiklikləri hədəfləyən danışıqlardan yayınacaq. Növbəti təxribatlara Tovuzda, Qazaxda əl ata bilər. Bu da danışıqlardan yayınmaq taktikası olacaq. Qarabağ danışıqları növbəti dəfə dalana dirənib. Danışıqlarda perspektiv yalnız güc yolu ilə əldə edilə bilər. Buna da Azərbaycan gedəcək. Artıq, Türkiyə tərəfi də bu sferada yer alıb".

Telegramda izləyin

instagramda izləyin