71 yaşlı qadın altı aya 28 kilo atıb CAVANLAŞDI - FOTO

71 yaşlı ABŞ sakini altı aya 28 kiloqram arıqladıqdan sonra artıq çəki ilə mübarizənin sirlərini paylaşıb.

BiG.AZ-ın verdiyi xəbərə görə, bu barədə "Today" yazır.

Belə ki, ABŞ-ın Cənubi Karolina ştatından olan təqaüdçü Meri Karni artıq çəkidən əziyyət çəksə də, hərəkətsiz həyat tərzi sürərək zərərli qidalardan istifadə edib.

Lakin səhhətində də problemlər yarandığı üçün o, 71 yaşında nəhayət həyatını dəyişmək qərarına gəlib və arıqlamağa başlayıb.

Həmin zaman o, məşhur fitnes məşqçisi Otem Kalabreze ilə tanış olub və onun 21 günlük məşq kursuna yazılıb. Kursa güc məşqləri və kardioməşqlərdən əlavə, zərərli vərdişlərdən imtina etmək və düzgün qidalanmaya keçmək daxildir.

Altı aylıq gərgin məşq və sağlam həyat tərzi nəticəsində Karni 28 kilo çəkidən azad olub. Kursun sonunda qadın "planka"da artıq 5 dəqiqəyə yaxın qala bilib.

Hazırda onun 78 yaşı var və sağlam həyat tərzi sayəsində gözəl bədən quruluşunu qoruya bilir. O, yeyilən yeməyin kalorisini nəzarətdə saxlayır, çox hərəkət edir və 6 yaşlı nəvələriylə qaçıb oynamağı sevir.

Karni özünün uğur hekayəsini digər insanlarla bölüşür və onlara hər yaşda arıqlaya biləcəklərini sübut etməyə çalışır. Qadın arıqlamaq istəyən hər kəsə üç məsləhət verib:

1. Motivasiya mənbəyi və irəli getmək üçün öz səbəbinizi tapın.
2. Sizə uyğun olan fərdi məşq planı və qida rasionu seçin.
3. Təslim olmayın!

Qadın hər kəsi aktiv həyat tərzi sürməyə və sağlamlığına diqqət etməyə çağırır.

Telegramda izləyin

instagramda izləyin