Azərbaycanda bütün ölkə üzrə lokallaşmaya gedilə bilər - AÇIQLAMA

TƏBİB Elmi Komitəsinin sədri, professor Akif Qurbanov televiziyasına müsahibəsində karantin rejimin yenidən sərtləşdirilmə ehtimalı olmasından danışıb. Ümumdünya Səhiyyə Təşkilatı isə ölkə üzrə yenidən sərt karantin rejiminin tədbiq edilməsinə ehtiyac olmadığını və yoluxma daha çox olan ərazilərin lokal bağlanılmasını həyata keçirilməsini bildirib. Azərbaycanda yoluxmalar daha çox Bakı, Sumqayıt şəhərlərində və Abşeron rayonundadır.
Bakı şəhərində yoluxma daha çox olan rayonlarda loklallaşmaya gedilə bilərmi?

Bununla bağlı Sonxeber.az-a danışan Tibb üzrə fəlsəfə doktoru Vasif İsmayıl bildirib ki, yoluxma sayı artarsa Azərbaycanda xüsusiyyətindən irəli gələrək bütün ölkədə lokallaşma elan edəcəklər:

"Ona görə vətəndaşlar indiki vəziyyəti, yəni yumşalmaları yaxşı qiymətləndirməli, daha məsuliyyətli davranmalıdır ki, Azərbaycanda yoluxma sayı artmasın. Virusdan azad olunmanın 3 yolu var. 1-ci ölkə üzrə hamı yoluxur, ölən ölür, qalan qalır. Bu isə bir neçə il çəkir. Yəni minumum 2 il. İkinci yol, virusa effektiv peyvənd tapılmasıdır. 3-cü yol isə virusu müalicə edən dərmanın tapılmasıdır. Düşünürəm ki, bu məsələyə elə-belə yanaşmaq olmaz. Bu virus 3-4 il çəkə bilər. Ona görə də insanlarımıza karantin qaydalarına əməl etməklərini, yumşalmalar zamanı da sosial məsafəni qorumaqlarını və maska taxmaqlarını tövsiyə edirəm".

Aysel Yusifqızı

Telegramda izləyin

instagramda izləyin