ÜST COVID-19 peyvəndinin təsdiqlənməsi üçün ŞƏRTLƏRİ AÇIQLADI

Ümumdünya Səhiyyə Təşkilatı koronavirusa qarşı olan heç bir vaksini təhlükəsiz və təsirli olana qədər bu xəstəliyə qarşı təsdiqləməyəcəkdir.

Sonxeber.az xəbər verir ki, bu barədə Ümumdünya Səhiyyə Təşkilatının (ÜST) nümayəndəsi, professor Margaret Harris açıqlamasında bildirib.

"ÜST-nın istədiyi şey peyvəndlərin nəticələr barədə dəqiq məlumat almaqdır. ÜST Baş Direktorunun dediyi kimi, tamamilə təhlükəsiz olmayan və təsirli olduğu sübut edilməmiş heç bir peyvəndi qəbul etməyəcəyik"deyə Margaret Harris söyləyib.

ÜST koronavirus peyvəndinin bir neçə ölkədən gələn sınaqlarının üçüncü mərhələsinin nəticələrini gözləyir. Hazırda isə istifadə olunan peyvəndlərin heç birinin testin üçüncü mərhələsini keçmədiyi bildirilib.

Qeyd edək ki, 31 dekabrda Çin ÜST-na yeni növ koronavirus infeksiyasının yayılması barədə məlumat verilİB. 11 Martda ÜST vəziyyəti bir pandemiya olaraq tanıyıb. Dünyada 29 milyondan çox insan koronavirusa yoluxub.

Türkay Həsənli

Telegramda izləyin

instagramda izləyin