Həddindən artıq yüklənmiş yük maşınlarını müəyyənləşdirmək üçün nəzarət reydləri keçirilir?-AÇIQLAMA
Azərbaycanda yolları dağıdan yük nəqliyyatına nəzarət gücləndirilməlidir.
Mütəxəssis hesablamalarına görə, Azərbaycan yollarının ən azı dörddə biri hesablandığından artıq hərəkət intensivliyi və yüklə istismar olunur.
Son illərdə Çin, Orta Asiya və Türkiyədən ağır yük maşınları ilə daşınan malların tranzitində artım ilə vəziyyət daha da pisləşib. Bundan başqa yay və payız aylarında kənd təsərrüfatı və tikinti mallarının yenidən yüklənmə dövründə çəki baxımından yük əlavə olaraq artır və yolların sürətlə dağılması baş verir. Bu gün ən dağılmış vəziyyətdə Quba-Bakı yoludur.
Sərhədlərdən və limandan çıxan yollarda qabarit və çəki parametrlərinə nəzarət çərçivəsi kifayət saydadırmı?
Həddindən artıq yüklənmiş yük maşınlarını müəyyənləşdirmək üçün nəqliyyat müfəttişliyi tərəfindən neçə müddətdən bir nəzarət reydləri keçirilir?
Məsələ ilə bağlı Sonxeber.az-a Azərbaycan Avtomobil Yolları Dövlət Agentliyinin Mətbuat xidmətinin rəhbəri Anar Nəcəfli və Bakı Şəhər Baş Yol Polis İdarəsinin bölmə rəisi Vaqif Əsədov açıqlama verib.
Anar Nəcəfli bildirib ki, yolların mühafizə xidmətinin əməkdaşları yolların mühafizəsi ilə məşğuldur. Onların vəzifələrindən biri də yollarda qabarit və çəki məsələlərinə nəzarət etməkdir. Aidiyyatı qurumlarla birgə bu məsələ öz həllini tapıb. Vəziyyətə tam olaraq nəzarət olunur. Əgər hər hansı bir problem varsa, Baş Yol Polis İdarəsinin əməkdaşları ilə birgə aradan qaldırılması ilə bağlı addımlar atılır.
Vaqif Əsədov bununla bağlı bildirib ki, nəqliyyat vasitəsinin texniki xarakteristikasında yük götürmə qabiliyyəti var, və yükü də nəzərə alan göstəricilər mövcuddur. Bu işlə məşğul olan müfəttişlər var ki, onların hərəkət etdiyi trayektoriya üzrə tərəzilər var. Həmin tərəzilər də onlarda yoxlanılır və bu qanunla tənzimlənir. Normadan artıq yüklərin daşınması çox zaman yollarda nahamarlıq yaradır, yolları zədələyir.
Ona görə də hər bir nəqliyyat vasitəsinin yük götürməsi üçün texniki göstəricisi var. Bu göstəricilərə də uyğun danışnan yüklər də ölçüyə uyğun olmalıdır. Əgər artıqdırsa konkret cəza və cərimə var. Hesab edirəm ki, sürücü idarə etdiyi nəqliyyat vasitəsinin növünə uyğun tələbləri bilməli və düzgün idarə etməlidir.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş