"Baxırsan kişidir, amma qadın çıxır" - Elman Nəsirov sosial şəbəkələrdən GİLEYLƏNDİ
"Sosial şəbəkələr dövrümüzün reallığıdır. Sosial şəbəkələrin olması hesab edirəm ki, vacibdir. Bu demokratiyanın elementidir. Sadəcə söhbət ondan gedir ki, bu sahə qanunla tənzimlənməlidir. Bütün sferalar qanunla tənzimlənir. Yeganə qanunla tənzimlənməyən sahə varsa, o da sosial şəbəkələrdir"
Sonxeber.az xəbər verir ki, bu sözləri deputat Elman Nəsirov sosial şəbəkələrdə paylaşımlara yazılan neqativ rəylərə münasibət bildirərkən deyib.
Deputat bildirib ki, sosial şəbəkə olduqca əhəmiyətli rol və missiyanı həyata keçirir. Orada elə məsələlər qabardılır ki, ictimai diqqət ora yönəldir. Sosial şəbəkələr nəzarət funksyasını həyata keçirir:
"Sosial şəbəkələrin rolunu yüksək qiymətləndirirəm. Qeyd edim ki, medalın iki üzü kimi sosial şəbəkələrdən də bəzi insanlar eynən bunun kimi istifadə edirlər. Orada insanların şərəf və ləyaqətini alçaldırlar, nüfuzuna xələl gətirirlər, şər atırlar. Araşdırma aparırsan ki, bunu yazan kimdir, mənbəsi haradır onda məlum olur ki, şərh yazan şəxs kişi deyil qadındı, qadın kimi qeydiyyatda olanlar isə kişidir.
Ya da ümumiyyətlə Azərbaycanda yaşamırlar, başqa- başqa profillərdən daxil olurlar. Heç şübhəsiz ki, bu xoşagəlməz hadisədir. Bütün sahələr necə dövlət tərəfindən qanunla tənzimlənir, hesab edirəm ki, sosial şəbəkələrlə bağlı qanuna da ehtiyac var. Burada hər şey qanunla tənzimlənsin, qanundan kənar olan hallar hüquqi müstəvidə qiymət verilsin. Yəni sosial şəbəkələrin tənzimlənməsi haqqında qanuna ehtiyac var.
Türkiyədə sözügedən platforma ilə bağlı artıq qanun qəbul olunub. Bir çox ölkələrdə bu istiqamətdə işlər gedir. Yeri gəlmişkən, qeyd edim ki, Türkiyənin təcrübəsindən də istifadə edib bu sahədə konkret addım atmaq olar. Əgər insanın virtual aləmdə şərəf və ləyaqətini alçaldanda, işgüzar nüfuzuna xələl gətirəndə, şər- böhtan atanda hansı cəzalar nəzərdə tutulursa, eyni cəzalar da virtual aləmdə olmalıdır. Şər- böhtan yolunu düşünən insan düşünməsin ki, bunu rel həyatda edəndə cəzəlanaram, qoy bunu virtual aləmdə edim.
İnsan belə bir düşüncəyə qapılmamalıdır. Həmin insanlar bilməlidirlər ki, qanuna zidd addımlar atıb və cəzalandırıla bilər. Prinsip etibarilə mən sosial şəbəkələrin varlığını hər zaman müdafiə edirəm. Çünki sosial şəbəkələr doğurdan da yerdən ictimai nəzarət funksiyasını həyat keçirirlər. Yeri gələndə SOS siqanalı verir. Neqativ halların olmamasına görə qanunvericilik bazasının yaranmasına ehtiyac var".
Deputat bildirib ki, dəfələrlə sosial şəbəkələrdə ona qarşı da elə yanaşmalar olub, amma o elə şəxslərə özü cavab verməyib:
"Bəzən olur ki, dostlardan onlara cavab verilir. Xahişləri də bu olub ki, mənbəni göstərin. Bir az araşdıranda məlum olur ki kimi Fransada, kimi Almaniyada yaşayır. Mən məni narahat edən sosial şəbəkə istifadəçiləri ilə bağlı hüquq- mühafizə orqanların şikayət etməmişəm.
Şəlalə Babayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş