Azərbaycanda dövlət müəssisələrinə "şortik" və qısa ətəklə giriş qadağan edilir? - AÇIQLAMA

Xəbər verdiyimiz kimi Baş Dövlət Yol Polisinin qeydiyyat və imtahan binasına daxil olmaq istəyən məşhur texno bloger, jurnalist Fərid Pərdəşünas imtahana buraxılmayıb. Səbəbini soruşduqda isə qapıdakı polis əməkdaşı ona içəridə "ana-bacı var" deyə cavab verib. Azərbaycanda dövlət orqanlarına şortik və mini yumka ilə girişə qadağa qoyula bilərmi?

Bununla bağlı Sonxeber.az-a danışan deputat Fazil Mustafa bildirib ki, dövlət məmuruna ayrıca formanın tədbiq edilməsi yanlışdır:

"Digər şəxslərdən söhbət gedirsə, onlar müvafiq dövlət orqanlarına konkret forma ilə daxil olurlar. Düşünürəm ki, bununla bağlı problem yoxdur. Əgər müəyyən idarənin və müəssisənin qaydalarına uyğun geyim forması varsa və buna zidd hərəkət edilirsə haqlı olaraq irad bildirilməsi mümkündür. Amma neftçi şəhərdə işləyirsə o, işə kambizon geyinib getməyəcək ki?

Amma dənizdə, mazutun içərisindədirsə mütləq qoruyucu paltarlar geyinməlidirlər. İşin prinsipinə uyğun məsələyə yanaşılmalıdır. Bəlkə də o gün haqlı irad bildiriblər. Çünki sürücü vəsiqəsi üçün mini ətəkdə imtahan vermək istəyirsə, vəziyyəti nəzərə alaraq buna icazə verilmirsə burada haqlılıq payı var. Yəni getdiyin yerin şərtlərinə uyğun geyinmək məqsədə uyğundur.

Arzuya görə paltarlar geyinilsə, bu müəyyən qarşılıqlara səbəb olacaq. Normal həyatda geyimə heç kim qarışmır. Amma dövlət müəssisəsi ilə bağlıdırsa, burada müəyyən iradlar səsləndirilə bilər. Bunu bütövlükdə qanuna salmaq və qadağaedici formaya salmaq düzgün deyil.
İnsanlar öz seçimlərinə uyğun istənilən formada geyinə bilərlər. Müəyyən yerlərdə geyimlərin hansısa bir narahatlıq yaradacaq səbəblər varsa ictimai qınaqla münasibət bildirilməsi daha doğru olar".

Aysel Yusifqızı

Telegramda izləyin

instagramda izləyin