"Ermənilər qorxudan toplu şəkildə yaşayış yerlərini tərk edirlər" - DEPUTAT

"Biz torpaqlarımızı azad etməkdə bu gün yox, illərdi qərarlıyıq".

Bunu Sonxeber.az-a açıqlamasında deputat Müşfiq Cəfərov bildirib.

Deputat qeyd edib ki, hər zaman ölkə başçısının da qeyd etdiyi kimi biz sülhün, sivil demokratik cəmiyyətin tərəfdarıyıq: "Heç vaxt da düşmənimiz belə olsa, dinc vətəndaşlara zərər yetirməmişik. Bu gün də, illər boyu da ermənilər dinc sakinləri hədəf alıblar.
Dünən ermənilərin törətdikləri təxribatlar nəticəsində 9 nəfər dinc sakinimiz yaralanıb, infrastruktura ciddi ziyan dəyib.
Torpaqlarımızı azad etmək uğrunda müharibə ən təbii haqqımızdır. Biz bundan da qaçmırıq. Sivil cəmiyyətin qaydalarına uyğun arxa cəbhədə deyil, ön cəbhədə gedən müharibədən söhbət gedir. Bir cəmiyyətin qanında, canında vətən eşqi yoxdursa, arxasında hansı güc,hansı dövlət olmasından asılı olmayaraq məğlubiyyətə məhkumdur. Biz xalq olaraq torpaqlarımızı azad etmək arzusundayıq. Cənab prezidentin dediyi kimi bir 30 il də gözləmək fikrimiz yoxdur. Gələcək nəsillərə müharibə təhlükəsi deyil, azad olunmuş firəvan ölkə yaratmalıyıq. Buna nail olacaq qədər də gücümüz var. Hər zaman ordu və dövlətimizin yanındayıq".

Deputat vurğulayıb ki, Azərbaycan ordusu bu gün bir daha Ermənistana və onu himayə edən təşkilatlara, dövlətlərlər öz gücünü sübut etdi: "Ordumuzun düşmən təxribatına verdiyi adekvat cavab düşməni qoruxuya salıb. Hətta Dağlıq Qarabağda yaşayan ermənilər qorxudan toplu şəkildə yaşayış yerlərini tərk edirlər. Nikol Paşinyanın bu təxribatı həm özünün həm Ermənistan dövlətinin növbəti biabırçı məğlubiyyəti ilə nəticələnəcək. Çünki qələbə bizimlədir. Artıq Azərbaycan ordusu 7 kəndimizi işğaldan azad edib, hakim yüksəkliklər nəzarətə götürülüb. Düşmən tərəfi çox ağır itkiyə məruz qalıb. Artıq Ermənistan dövləti itkilərini gizlədə bilmir. Nikol Paşinyan, digər Ermənistan rəsmilər Azərbaycanın üstünlüyünü dərk edir, ATƏT-in Minsk Qrupundan və digər beynəlxalq təşkilatlardan kömək istəyirlər. Düşünürəm ki, Nikol Paşinyanın bu biabırçı məğlubiyyəti onun hakimiyyətinin sonu gətirəcək".

Aysel Yusifqızı

Telegramda izləyin

instagramda izləyin