"Azərbaycan ordusu düşmənə ağır zərbələr endirərək geri çəkilməyə məcbur edir" - DEPUTAT

"Bu gün Azərbaycan ordusunun əks hücum əməliyyatı işğalçı Ermənistanı qorxuya salıb".

Bunu Sonxeber.az-a deputat Cavanşir Paşazadə deyib.

Deputat vurğulayıb ki, işğalçı Ermənistan Silahlı Qüvvələri sentyabrın 27-dən başlayaraq növbəti geniş miqyaslı təxribata əl atıb:" Nəticədən 10-dan çox mülki vətəndaş yaralanıb, 1 ailənin 5 üzvü isə həlak olub. Ölənlər arasında iki azyaşlı məktəbli də var. Bu təxribatla işğalçı erməni silahlı qüvvələri növbəti vəhşiliyə imza atdı. Bu gün Azərbaycan ordusu keçirdiyi əks hücum əməliyyatı ilə Ermənistana layiqli dərs verərək onları geri çəkilməyə məcbur edir. Azərbaycanın əks hücum əməliyyatından qorxuya düşən Dağlıq Qarabağdakı ermənilər qorxudan evlərini qoyub Ermənistana qaçırlar".

Deputat vurğulayıb ki, heç kəsə sir deyil ki, Nikol Paşinyan aylardır ki, gizlin şəkildə müharibəyə hazırlaşırdı:" O, Suriyadan və Livandan erməni ailələrini işğal olunmuş torpaqlarımıza köçürərək qeyri-qanuni məskunlaşdırma siyasəti aparırdı. Eləcədə yaxın şərqdən muzdlu terrorçuları Dağlıq Qarabağa yerləşdirərək bizə qarşı törətdikləri təxribatlara istifadə edirdilər. Erməni tərəfindən həlak olanlar arasında Yəməndən və Suriyadan gətirilən terrorçuların olması bunu bir daha sübut edir. Ermənistan siyasi hakimiyyəti əslində bu addımlarla öz sonlarını tezləşdirdiklərinin fərqində deyildilər. Bütün bu təxribatlar Azərbaycanın səbrini daşıraraq əks hücum əməliyyatı keçirməsinə səbəb oldu. Bu gün aparılan bu döyüşlərin bütün məsuliyyəti işğalçı Ermənistan dövlətinin üzərinə düşür. Artıq bir neçə kəndlər, Murov yüksəkliyi və Talış kəndi ətrafındakı yüksəkliklər düşməndən təmizlənib. Ordumuzun bu istiqamətdəki uğurlu əməliyyatları davam edir".

Deputat düşmən tərəfin itkilərinin sayını gizlətməsini də qeyd edib:

"Azərbaycan ordusu düşmənə ağır zərbələr endirərək geri çəkilməyə məcbur edir. Qorxaq Ermənistan silahlı qüvvələri hərbi sursatlarını, ağır texnikalarını döyüş meydanından qoyaraq qaçırlar. Ordumuzun apardığı yüksək döyüş qabiliyyəti nəticəsində düşmən tərəfin xeyli sayda canlı qüvvəsi və hərbi texnikası məhv edilir. Bu gün ordumuz yüksək döyüş əhval-ruhiyyəsinə malikdir. Minlərlə gənclərimiz könüllü orduya yazılaraq, döyüşmək istədiklərini bildirirlər. Cənab prezidentin müraciəti və qismən səfərbərlik elan edilməsi ilə bağlı sərəncamı gənclərimizin döyüş əzmini bir daha yüksəltdi.

Xalqımız bu gün Ali Baş Komandanımızın və ordumuzun yanındadır. İnanıram ki, tezliklə üçrəngli bayrağımız Dağlıq Qarabağda, Şuşada, Xankəndində və digər işğal olunmuş rayonlarımızda dalğalanacaq. Allah şəhidlərimizə rəhmət etsin. Yaralılara Allahdan şəfa diləyirəm. İnanıram ki, tezliklə qələbə bizimdir".

Aysel Yusifqızı

Telegramda izləyin

instagramda izləyin