İlham Əliyev dövlət və hökumət başçılarının toplantısında çıxış edib

İlham Əliyev dövlət və hökumət başçılarının toplantısında çıxış edibAzərbaycan Respublikasının Prezidenti İlham Əliyev "COVID-19 dövrü və sonrakı dönəmdə Dayanıqlı İnkişaf Məqsədlərinin 2030-cu il Gündəliyinin maliyyələşdirilməsi" mövzusunda dövlət və hökumət başçılarının toplantısında videoformatda çıxış edib.

Sonxeber.az xəbər verir ki, dövlət başçısının çıxışı 2020-cil 25 sentyabr tarixində çəkilib.

Prezident İlham Əliyev çıxışında deyib:

Cənab Baş katib.

Hörmətli dövlət və hökumət başçıları.

Azərbaycan "Dayanıqlı İnkişaf Məqsədləri"nin icrasına mühüm əhəmiyyət verir.

Biz 2016-cı ildə əsas vəzifəsi milli prioritetlərin müəyyən edilməsindən, müxtəlif dövlət proqram və strategiyalarının "Dayanıqlı İnkişaf Məqsədləri" ilə uzlaşdırılmasından ibarət olan Dayanıqlı İnkişaf üzrə Milli Əlaqələndirmə Şurası təsis etmişik.

Azərbaycan "Minilliyin İnkişaf Məqsədləri"nə nail olmuş, "Dayanıqlı İnkişaf Məqsədləri"nin icrasında isə ciddi irəliləyiş əldə etmişdir.

Bizim nailiyyətimiz "2020-ci il üzrə Dayanıqlı İnkişaf Hesabatı"nda əks olunmuşdur. Belə ki, oradakı "Dayanıqlı İnkişaf Hədəfləri İndeksi"nə görə Azərbaycan 166 ölkə arasında 54-cü pillədə qərarlaşmışdır.

Azərbaycan BMT-yə iki dəfə könüllü milli hesabat təqdim edən azsaylı ölkələrdən biridir.

Azərbaycanın iqtisadiyyatı sürətlə inkişaf etmişdir. Son 17 il ərzində ümumi daxili məhsul 3 dəfə artmışdır. Azərbaycanda yoxsulluq son 17 il ərzində 49 faizdən 5 faizə enmişdir.

Azərbaycanın xarici dövlət borcu dünyada ən aşağı səviyyələrdədir, ümumi daxili məhsulun təqribən 20 faizini təşkil edir. Bu göstəriciyə görə Azərbaycan dünyada 9-cu yerdədir. Neft ixrac edən dövlətlər arasında ən az xarici dövlət borcu olan Azərbaycandır.

Azərbaycanın valyuta ehtiyatları xarici dövlət borcundan 6 dəfə çoxdur.

Son 17 ildə Azərbaycanın iqtisadiyyatına 260 milyard dollardan çox sərmayə yatırılmışdır. Beynəlxalq Valyuta Fondunun statistikasına görə, hazırda Azərbaycan iqtisadiyyatı alıcılıq qabiliyyəti paritetinə görə Cənubi Qafqaz regionunun ümumi iqtisadiyyatının 70 faizini təşkil edir.

Azərbaycan enerji sahəsindən əldə olunan gəlirlərin indiki və gələcək nəsillər arasında ədalətli bölgüsünə xüsusi əhəmiyyət verir. Bu məqsədlə 1999-cu ildə Dövlət Neft Fondu yaradılmışdır. Yaranma vaxtı aktivlərinin 270 milyon dollar təşkil etdiyi Fondun bu günə olan aktivlərinin həcmi ölkənin ümumi daxili məhsulunu üstələyir. Azərbaycan gəlirlərin ədalətli bölgüsünün səviyyəsinə görə dünya üzrə ən yüksək pillələrdədir.

Ermənistanın Azərbaycana qarşı hərbi təcavüzü ölkə ərazisinin 20 faizinin işğalı ilə nəticələnmişdir. İşğal nəticəsində 1 milyondan artıq azərbaycanlı qaçqın və məcburi köçkün vəziyyətinə düşmüşdür. Azərbaycan qaçqın və məcburi köçkünlərin həyat və yaşayış şəraitinin yaxşılaşdırılması istiqamətində çox böyük işlər görmüşdür. Bu həssas qrupdan olan şəxslərin ehtiyaclarının təmin edilməsi üçün bu günədək 8 milyard manata yaxın və ya təqribən 5 milyard dollar həcmində vəsait sərf edilmişdir. 300 mindən artıq məcburi köçkün pulsuz ev və mənzillərlə təmin olunmuşdur.

Torpaqlarımızın Ermənistan tərəfindən işğalı nəticəsində meydana gəlmiş çətinliklər səbəbindən Azərbaycan müstəqilliyinin ilk illərində beynəlxalq ictimaiyyətdən humanitar yardım qəbul edirdi. Daha sonra isə Azərbaycan özü donor ölkəyə çevrildi. Son 15 ildə Azərbaycan 120-yə yaxın ölkəyə maliyyə və humanitar yardımı göstərmişdir.

COVID-19 pandemiyası dünyanın bütün ölkələrinə mənfi təsir göstərmişdir. Milyonlarla insanın kəskin yoxsulluq vəziyyətinə düşəcəyi gözləniləndir.

Pandemiya bizim iqtisadiyyata da təsir etmişdir. Pandemiya dövründə dövlət gəlirlərinin azalmasına baxmayaraq, hökumət iş yerlərinin və səhiyyənin qorunması, habelə iqtisadi inkişafı təmin etmək məqsədilə ümumi daxili məhsulun 3 faizi həcmində maliyyə vəsaiti ayırmışdır.

Pandemiyanın fəsadlarının aradan qaldırılması, iqtisadi sabitlik, makroiqtisadi və maliyyə dayanıqlığının təmin edilməsi, işsizlik probleminin həlli məqsədilə 2 milyard dollar həcmində iqtisadi-sosial yardım paketi təqdim edilmişdir. Sosial dəstək tədbirləri təqribən 5 milyon vətəndaşı, yəni, ölkə əhalisinin yarısını əhatə edir.

Pandemiya ilə mübarizənin maliyyələşdirilməsi xarici maliyyə yardımı olmadan, yalnız daxili mənbələr hesabına həyata keçirilir. Bundan əlavə, Azərbaycan COVID-19 ilə bağlı 30-dan çox ölkəyə humanitar və maliyyə yardımı göstərib.

Pandemiyadan sonrakı dövrdə bizim əsas prioritetlərimiz – iqtisadi inkişafı, iqtisadi və maliyyə sabitliyini təmin etmək, sağlam və rəqabətqabiliyyətli insan kapitalını daha da inkişaf etdirmək, dayanıqlı iş yerləri yaratmaq və iqtisadi fəaliyyətin yeni sahələrini inkişaf etdirməkdən ibarətdir.

Bəşəriyyət pandemiyaya qarşı mübarizə və onun fəsadlarının aradan qaldırılmasına yalnız həmrəylik və birgə səylər sayəsində nail ola bilər. Qoşulmama Hərəkatının sədri qismində Azərbaycan BMT Baş Assambleyasının koronavirusa qarşı mübarizə üzrə Xüsusi Sessiyasının keçirilməsini təklif etmişdir. Bu təşəbbüs BMT-nin üzvü olan 130-dan çox ölkə tərəfindən dəstəkləndi.

İnanıram ki, Xüsusi Sessiya pandemiyanın təsir etdiyi bütün sahələrin kompleks şəkildə müzakirə olunmasında çərçivə rolunu oynayacaq və onun yaratdığı fəsadların aradan qaldırılması səylərinə töhfə verəcəkdir. Sağ olun!


Sonxeber.az Telegramda izləyin instagramda izləyin
Sosial   Baxılıb: 4637   Tarix: 29 sentyabr 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

Arıqlamaq istəyənlər, DİQQƏT: Heç bir pəhriz sizə kömək etmir?

Sizlərə Fransa istehsalı olan FATZORB kapsullarını təqdim edirik. . 1)İştahı kəsir . . 2)metobalizmani gücləndirir. . 3)piy qatlarını əridir. . 4)Kapsullar bitki tərkibli və ziyansızdır. . . . MƏHSUL HAQDA ƏTRAFLI. . Bir kurs ərzində orqanizmdən asılı olaraq 5-12 kg arıqlamaq mümkündür.. . Sifariş v

25 oktyabr

Pakistanlı vətəndaşdan Qarabağa dəstək

Başladığınız haqq işində Türkiyə xalqı ilə yanaşı, bizim də ürəyimiz Azərbaycan xalqı ilə birlikdə döyünür.. . AZƏRTAC xəbər verir ki, bu fikir Pakistanın Multan şəhərinin sakini Məsud Əhmədin Prezident İlham Əliyevə məktubunda yer alıb.. . Məktubda deyilir: "Möhtərəm cənab Prezident, mən ölkənizl

30 sentyabr

Yaponiya Ayda zavod tikəcək

Yaponiya Ayda yanacaq zavodu tikməyi planlaşdırır.. . BiG.AZ oxu.az-a istinadən yazır ki, bu barədə "Kyodo" agentliyi xəbər yayır.. . Alimlər dəqiqləşdiriblər ki, zavodun səma cisminin Cənubi qütbündə tikilməsi mümkün olacaq. Onlar həmin yerdə buz yataqları tapacaqlarına inanırlar.. . Mütəxəssislə

29 sentyabr

Nobel mükafatının məbləği artırılır

2020-ci ildə Nobel mükafatlarının hər birinin məbləğinin 10 milyon İsveç kronuna (1 883 000 AZN) qədər artırılacağı bildirilib.. . Bu barədə Nobel Fondunun açıqlamasına istinadla xəbər yayılıb.. . Qeyd olunur ki, 2012-ci ildən bəri fondun investisiya kapitalı 3 milyard krondan (564 900 000 AZN) 4,6 milyar

29 sentyabr

Bu tarixdən ümrə ziyarətləri başlayır – Görüləcək tədbirlər açıqlandı

Səudiyyə Ərəbistanı ümrə ziyarətlərindən əvvəl Kəbədə görüləcək tədbirləri açıqlayıb.. . Sonxeber.az xəbər verir ki, Səudiyyə Ərəbistanı tərəfindən verilən açıqlamaya görə, COVİD-19 tədbirləri çərçivəsində Kəbə və Həcərul-Əsvəd ətrafında qoyulan maneələrin orada qalacağı, ziyarətçilərin həmin yerə buraxılmayacağ

29 sentyabr

Mülki əhalinin vurulması Türkiyəni HİDDƏTLƏNDİRDİ: Ərdoğanın liderliyi ilə...

Ermənistanın təcavüzkar mövqeyi Cenevrə razılaşmalarının açıq-aşkar pozulmasıdır.. . Publika.az xəbər verir ki, bunu Türkiyənin Prezident Administrasiyasının İctimaiyyətlə Əlaqələr Şöbəsinin rəhbəri Fəxrəddin Altun Tvitter paylaşımında qeyd edib.. . Altun bildirib ki, dünya ictimaiyyəti Azərbaycanı

29 sentyabr

"Instagram" istifadəçilərini izləyən təhlükəli boşluq aşkarlanıb

"Check Point" şirkətinin mütəxəssisləri "Instagram"da sosial şəbəkə istifadəçilərini izləməyə imkan verən təhlükəli boşluq aşkarlayıblar. Bunun üçün qurbana xüsusi fotoşəkilin göndərilməsi kifayət edib. Bu barədə kibertəhlükəsizlik sahəsində ixtisaslaşan şirkətin bloqunda deyilir.

29 sentyabr

Hökumət sözçüsü: "Küveyt əmiri sağdır"

Küveyt hökumətinin sözçüsü Tariq əl-Muzrik ölkə əmiri Şeyx Sabah əl-Əhməd əl-Cabir əs-Sabahın ölüm xəbərini təkzib edib.. . Sonxeber.az xəbər verir ki, əmirin müalicəsi davam edir.. . Qeyd edək ki, dünyanın aparıcı xəbər agentlikləri Küveyt əmiri Sabah əl-Əhməd əl-Cabir əs-Sabahın ölümü barədə məluma

29 sentyabr

Qətliam kimi QƏZA: 13 ölü, 25 yaralı - FOTO

Meksikada sərnişin avtobusu idarəetməni itirərək yol kənarındakı çuxura aşıb. Qəza nəticəsində 13 nəfərin ölüb, 25 nəfər yaralanıb.. . BiG.AZ haberglobal-a istinadən xəbər verir ki, qəza Meksikanın Çayapas əyalətinin La Trinitariya mahalının yaxınlığındakı magistral yolda baş verib.. . Yaralananlarda

29 sentyabr