Anar Cəbrayıllı: "Ordumuz yaxın günlərdə torpaqlarımızın hər bir qarışını işğaldan azad edəcək"

Ermənistan Silahlı Qüvvələrinin sentyabrın 27-dən başlayaraq həyata keçirdiyi növbəti təxribatının qarşısı Milli Ordumuz tərəfindən qətiyyətlə alındı və düşmənə əks hücumda ciddi zərbələr vuruldu.

Azərbaycan Ordusunun həyata keçirdiyi əməliyyatlar nəticəsində işğal altındakı bir sıra kəndlər və əlverişli ərazilər işğaldan azad olundu.

"Bir cəbrayıllı, qarabağlı kimi döyüşə hər an hazıram:

Bu sözləri Sonxeber.az-a "Azərsu" ASC-nin Mətbuat xidməti və ictimaiyyətlə əlaqələr şöbəsinin rəhbəri Anar Cəbrayıllı söyləyib.

"Bütün Azərbaycan xalqı, hər kəs xoş əhval-ruhiyyədədir. Vətən həsrətində olan insanların sevincləri çoxdur. Qulağımız televiziyada hər an qələbə xəbərini gözləyirik. Əminəm ki, qısa müddətdə işğal altında olan bütün torpaqlarımız azad olunacaqdır. Qazandığımız uğurlar münasibəti ilə xalqımıza göz aydınlığı veririk.

Torpaq uğrunda həmişə qan tökülüb. Şəhidlərimizə, həlak olan mülki vətəndaşlarımıza Allahdan rəhmət diləyir, yaxınlarına və ailələrinə baş sağlığı verirəm. Yaralı şəhidlərimizə və mülki vətəndaşlarımıza şəfa diləyirəm.

Təəssüf edirəm ki, mənim bu döyüşlərdə iştirakım olmadı. Çünki mənim hərbi xidmət vaxtlarım 1998-1999-cu illərə düşüb. O vaxt atəşkəs idi. İndi isə əsgər kimi ehtiyyatdayam. Bir cəbrayıllı, qarabağlı kimi döyüşə hər an hazıram.

İllərdir hər birimiz bu günü gözləyirdik. 30 il öncə mən demişəm güclə alınan torpaq, güclə də geri qayıtmalıdır. Cənab Ali Baş Komandanın rəhbərliyi ilə Azərbaycanın müzəffər ordusu yaxın günlərdə torpaqlarımızın hər bir qarışını işğaldan azad edəcək.

Dünən Cənab Prezident "Rassiya1" kanalında Paşinyanı və ekspertləri öz çıxışı ilə susdurdu. Bu çıxış həm də dünyaya bir mesaj idi.

Ali Baş Komandanın hər zaman dəstəkləyirik və torpaqlarımız uğrunda ölməyə hər an hazır olan Anar Cəbrayıllı var".

Telegramda izləyin

instagramda izləyin