Türkiyə vətəndaşları Azərbaycan Prezidentinə yazırlar

Türkiyə vətəndaşları Azərbaycan Prezidentinə yazırlarAzərbaycan Ordusunun Ermənistan silahlı qüvvələrinin hərbi təxribatlarının qarşısını uğurla alması, düşmənə sarsıdıcı zərbələr endirməklə cəbhədə əldə etdiyi qələbələr öz vətəndaşlarımızla yanaşı, Türkiyə Respublikasının vətəndaşları tərəfindən də böyük sevinclə və ruh-yüksəkliyi ilə qarşılanır. Onlar bu nailiyyətlərə görə Prezident, Ali Baş Komandan İlham Əliyevə çoxsaylı təbrik və minnətdarlıq məktubları yazırlar.

Sonxeber.az xəbər verir ki, məktublarda Azərbaycan Ordusuna dəstək ifadə olunur.

Türkiyə Respublikası, Ankara şəhərindən İbrahim Uluer Ali Baş Komandana məktubunda qeyd edib:

"Hörmətli cənab Prezident. Mən Türkiyə vətəndaşı, şəhid qardaşı olaraq Azərbaycanı şərəfli mübarizəsində dəstəklədiyimi bildirirəm. Ölkəmin terrorla mübarizəsində iştirak etdiyimi, terrorla məşğul olan işğalçıların dinc əhalini rahat yaşamağa qoymadığını yaxşı bilirəm. Mənim üçün Türkiyə də, Azərbaycan da vətəndir. Vətənimin hər qarışı mənim üçün müqəddəsdir. Şanlı qələbənizin qazanılması üçün irəlilədiyiniz yolda Sizinlə birlikdə addımlamaq mənim üçün şərəf olardı. Can Azərbaycana uğurlar arzulayıram".

Türkiyə Respublikası, Ankara şəhərindən Caner Sarsılmaz bildirib ki, Azərbaycanın haqq işində son damla qanına qədər mübarizə aparmağa hazırdır:

"Hörmətli cənab Prezident. Ermənistanın işğalı altında olan bir neçə kəndin düşməndən azad edilməsi münasibətilə Sizi təbrik edir, bu yolda şəhid olanlara görə başsağlığı verir, heç nəyin Azərbaycan xalqının əzmini qıra bilməyəcyinə əmin olduğumuzu bildirirəm.Mən də Qələbə yolunda irəliləyən əsgərlərinizlə birlikdə addımlamağa, qardaşlarımla çiyin-çiyinə döyüşməyə istəyirəm və Azərbaycanın haqq işində son damla qanıma qədər mübarizə aparmağa hazıram".

Türkiyə Respublikası, Atakum şəhərindən İnan Güvən məktubunda deyib:

"Hörmətli cənab Prezident. Ermənistanın işğalçı siyasətinə görə üzləşdiyiniz müharibə vəziyyətinə görə narahatlıq keçirsək də, Qələbənin mütləq Sizinlə olacağına inanırıq. Azərbaycana gələn bəla bizə də gəlmiş sayılır. Buna görə də hər bir türk bütün imkanları ilə Sizinlə birlikdə olduğunu bildirir. Mən də onlardan biriyəm. Türkiyə-Azərbaycan qardaşlığı əbədi davam edəcəkdir. Sizə dəyən zərərin bizə dəydiyini düşünərək, hər zaman döyüşə hazırıq. Biz də Sizin əmrinizdəyik".

Türkiyə Respublikası, Malatya şəhərindən Öterkuş Mustafa Yılmaz oğlu qeyd edib:

"Hörmətli cənab Prezident. Mən könüllü olaraq cəbhədəki azərbaycanlı qardaşlarımla birlikdə vuruşmağa hazıram. Sizin yolunuz haqq yoludur və bu yolda olmaq hər bir türk üçün böyük şərəfdir. Sizə Qələbə arzulayıram, cənab Prezident!".

Türkiyə Respublikası, Ankara şəhərindən Türkiyə Memur-Sen Həmkarlar Təşkilatının sədri Ali Yalçın yazıb:

"Hörmətli cənab Prezident. Tarixi keçmişdən bu günədək daim Ermənistanın təcavüzkarlığının Azərbaycan dövlətinə və xalqına təhlükə törətdiyini görürük. Erməni terroruna və işğalına qarşı mübarizədə irəli sürdüyünüz qətiyyət şübhəsiz ki, təqdirəlayiqdir. Başda Türkiyə Prezidenti Rəcəb Tayyib Ərdoğan olmaqla türk xalqı, o cümlədən rəhbərlik etdiyim qurum daim Azərbaycanın haqlı mövqeyini müdafiə edib. Azərbaycanın ərazi bütövlüyünü pozaraq işğalçılıq siyasətini davam etdirən Ermənistanın iç üzünü göstərmək, beynəlxalq qurumlara, təşkilatlara həqiqəti çatdırmaq üçün səylərimizi əsirgəmədik. Ortaq tariximiz, ortaq inancımız və ortaq iradəmiz üzərində birlikdə qurduğumuz "bir millət, iki dövlət" konsepsiyası ilə ortaq varlığımız var. Azərbaycan müstəqilliyini qorumalı və yaşatmalı olan qardaş ölkədir. Allah bu mübarək səfərdə Sizə kömək olsun!".

Türkiyə Respublikası, Bursa şəhərindən Mutlu Ramazan Rüştü oğlu Ali Baş Komandana müraciətində ermənilərin Azərbaycana qarşı təcavüzünü görüb sakit dayana bilmədiyini deyib:

"Hörmətli cənab Prezident. Ermənilərin Azərbaycana qarşı təcavüzünü görüb sakit dayana bilmirik. Bizə də şərait yaradın, Qarabağ uğrunda biz də vuruşaq. Bu erməni cəlladları neçə illərdir türkə düşmən kəsilib. Artıq zamanı çatıb, onları Qarabağdan çıxarmalıyıq. Cənab Ali Baş Komandan, bir daha bildirmək istəyirəm ki, əmrinizi gözləyirəm. Qardaşlarımla bir cəbhədə olmaqdan böyük qürur duyardım".

Türkiyə Respublikası, Antalya şəhərindən Metin Fahri Mehmet oğlu, Ablak Murat Bahri oğlu, Aşık Turan Hakkı oğlu məktubunda yazıb:

"Hörmətli cənab Prezident. Biz bir millət, iki dövlətik. Biz türkük, qardaşıq, eyni kökdənik. Yola çıxmış olduğunuz bu uğurlu mübarizədə Rəbbim yardımçınız olsun.Canımızla, qanımızla azərbaycanlı qardaşlarımızın yanındayıq. Qulağımız səsdə, könlümüz yoldadır. Bir çağırış edin, yetər".

Türkiyə Respublikası, İstanbul şəhərindən Veli Yıldız canını azərbaycanlı qardaşlarına fəda etməyə hazır olduğunu bildirib:

"Hörmətli cənab Prezident. Əvvəla cəbhə bölgəsində baş verən döyüşlərdə şəhid olmuş qardaşlarımızın ailələrinə başsağlığı verir, yaralıların tezliklə sağlamlıqlarına qovuşmaları üçün dua edirik. Sizin üçün orada könüllü döyüşməyə hər zaman hazır olduğumu bilməyinizi istəyirəm. Bir canım deyil, min canım olsa, azərbaycanlı qardaşlarıma fəda edərəm. Azərbaycan-Türkiyə: İki dövlət, bir millət, bir ürək!".

Türkiyə Respublikası, Bursa şəhərindən Oğuz Aydın işğalçı və təcavüzkar ölkəyə qarşı mübarizədə Azərbaycanın yanında olduğunu vurğulayıb:

"Hörmətli cənab Prezident. Dost və qardaş ölkənin, can Azərbaycanın rəhbəri kimi Sizi salamlayır, məsuliyyətli fəaliyyətinizdə Sizə uğurlar arzulayıram. Son zamanlar ermənilərin ölkənizə və mülki vətəndaşlara qarşı təcavüzü bizi də hiddətləndirdi. İşğalçı və təcavüzkar ölkəyə qarşı mübarizənizdə Sizin, can Azərbaycanın yanındayıq. Dinimizə və türkçülüyə təhlükə yaradan nə varsa, mən son damla qanıma qədər onunla mübarizə aparmağa hazıram. Qarabağ Azərbaycanındır! Bu, belə olub və daim belə olacaq! Allah yar və yardımçınız olsun".

Türkiyə Respublikası, İzmir şəhərindən Fahri Emre Recber deyib:

"Hörmətli cənab Prezident. Mən Türkiyə vətəndaşı olaraq hər bir azərbaycanlının qardaşıyam. Uzun illərdir Azərbaycan şirkətləri ilə əməkdaşlıq edirəm. Sizin torpaqlar mənim üçün də doğmadır.Hazırda erməni təcavüzünə qarşı mübarizənizi tam dəstəkləyir, hər an yanınızda olduğumu bildirirəm. Qılıncınız kəskin, qələbələriniz davamlı olsun!".

Türkiyə Respublikası, Adana şəhərindən İsmail Serkan Büyükoğlu, Erdi Bozkurt Ali Baş Komandana müraciətində yazıb:

"Hörmətli cənab Prezident. Azərbaycan və Türkiyə iki qardaş ölkə, tək millətdir. Qardaş və dost çətin gündə tanınar. Bu günlər Azərbaycan üçün çətin olmaqdan daha çox şərəflidir. Belə günlərdə Sizin yanınızda olmağa, canımız və qanımızla kömək etməyə hazırıq. Allah türkü qorusun! Bayraq enməz, Vətən bölünməz! Sonsuz ehtiramla".


Sonxeber.az Telegramda izləyin instagramda izləyin
Sosial   Baxılıb: 4891   Tarix: 30 sentyabr 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

Arıqlamaq istəyənlər, DİQQƏT: Heç bir pəhriz sizə kömək etmir?

Sizlərə Fransa istehsalı olan FATZORB kapsullarını təqdim edirik. . 1)İştahı kəsir . . 2)metobalizmani gücləndirir. . 3)piy qatlarını əridir. . 4)Kapsullar bitki tərkibli və ziyansızdır. . . . MƏHSUL HAQDA ƏTRAFLI. . Bir kurs ərzində orqanizmdən asılı olaraq 5-12 kg arıqlamaq mümkündür.. . Sifariş v

25 oktyabr

"Uçan həkim" 90 saniyədə xəstəyə çata biləcək

İngiltərədə tibb işçilərinin xəstələrə təcili çatması üçün yeni üsul hazırlanıb. . . "Great North Air Ambulance Service" (GNAAS) tərəfindən hazırlanan "uçan həkim" layihəsi artıq sınaqdan keçirilib.. . Sınaq uçuşu "Gravity Industries" şirkətinin qurucusu Riçard Brovnin

30 sentyabr

ABŞ kosmosa hərbi baza yerləşdirəcək?

ABŞ gələcəkdə hərbi personalını kosmosa yerləşdirməyi planlaşdırır.. . TASS bu barədə ABŞ Kosmik Qüvvələrin Kosmik Əməliyyatlar Komandanlığı rəisi, general-mayor Con Şounun açıqlamasına istinadla xəbər yayır.. . Onun sözlərinə görə, hərbi obyektlər qismən muxtar rejimdə işləsəydi, onları daim izləməy

30 sentyabr

Jan Fransua Mansel Fransadan ədalətli mövqe tələb edib

Fransanın paytaxtı Paris şəhərində fəaliyyət göstərən Azərbaycanın Dostları Assosiasiyası işğalçı Ermənistanın silahlı qüvvələrinin Azərbaycan torpaqlarında genişmiqyaslı hərbi əməliyyatlara başlamasını sərt şəkildə pisləyib.. . Azərbaycanın Dostları Assosiasiyasının prezidenti, fəxri millət vəkili Ja

30 sentyabr

Roma papası Pompeo ilə görüşdən imtina edib

Roma Papası I Fransisk Avropa ölkələrində səfərdə olan ABŞ-ın Dövlət katibi Mayk Pompeonu qəbul etməyəcək.. . Sonxeber.az-ın məlumatına görə, bunu Vatikanın diplomatik xidmətinin rəhbəri, arxiyepiskop Pol Riçard Qallaher deyib.. . Onun sözlərinə görə, Roma papasının M.Pompeo ilə görüşü ABŞ-da preziden

30 sentyabr

Şəmistan Əlizamanlı: "Xalqımız narahat olmasın"

Hərbi vətənpərvərlik mahnılarını əvəzolunmaz ifaçısı Şəmistan Əlizamanlı BiG.AZ-a açıqlama verib.. . Müğənni ordumuzun qələbə xəbərinə sevindiyini dilə gətirib.. . Bildirib ki,ordumuz qarşıya qoyulan vəzifələri yüksək səviyyədə yerinə yetirir.. . "İnşallah qələbəni təmin edəcək ordumuz. Ordumuzu

30 sentyabr

Bursanın tarixi simvolu da bayrağımızın rənglərinə BOYANDI - FOTO

Bursanın simvolu olan Tophanədəki 115 illik saat qülləsi Azərbaycana dəstək naminə ölkəmizin bayrağının rənglərinə bürünüb.. BiG.AZ haberglobal-a istinadən xəbər verir ki, sosial şəbəkələrdəki paylaşımlardan sonra Bursa sakinləri əllərində Türkiyə və Azərbaycan bayraqları ilə Tophanəyə axın edərək xatir

30 sentyabr

Türkiyə mətbuatı könüllü əsgərlərimizdən REPORTAJ hazırladı - VİDEO

Azərbaycan və Ermənistan arasında toqquşmalar davam edərkən, könüllü olaraq orduya gələn gənclər Ali Baş Komandanın əmrini gözləyərək cəbhə xəttinə toplaşıblar.. . BiG.AZ xəbər verir ki, Türkiyənin "CNN Türk" kanalı əsgərlərimizdən reportaj hazırlayıb.. . Erməni işğalı altındakı əraziyə gedi

30 sentyabr

Adil Əliyev: Birləşmiş Millətlər Təşkilatının 28 ildən sonra nəsə tələb etməyə haqqı varmı?

Sentyabrın 29-da Birləşmiş Millətlər Təşkilatının Təhlükəsizlik Şurasının Dağlıq Qarabağda vəziyyətlə bağlı qapalı iclası keçirilirdi. İclasın nəticələrini hamılıqla maraqla gözləyirdik. Təbii ki, Təhlükəsizlik Şurasının bu iclası keçirməsinin yeganə səbəbi Azərbaycan Ordusunun inamlı qələbəsi və məğlu

30 sentyabr