Azərbaycanın dəqiq faktları qarşısında Paşinyan "kloun" vəziyyətində QALDI- DEPUTAT
Xəbər verdiyimiz kimi, sentyabrın 29-da "Rossiya-1" telekanalında yayımlanan "60 dəqiqə" proqramında Azərbaycan-Ermənistan təmas xəttində baş verən son hadisələrə həsr olunan veriliş efirə gedib.
Verilişdə Azərbaycan Prezidenti İlham Əliyev və Ermənistanın baş naziri Nikol Paşinyan aparıcıların suallarını cavablandırıblar.
Azərbaycan Respublikasının Prezidenti İlham Əliyevin uğurlu diplomatik çıxışı rus mətbuatının və dünya ictimaiyyətinin diqqət mərkəzindən yayınmayıb.
Bununla bağlı Sonxeber.az-a deputat Asim Mollazadə danışıb:
"Ölkə prezidenti sözügedən verilişdə bütün zəruri məlumatları açıqladı.
Döyüşlərin Azərbaycan ərazisində getdiyini, ölkəmizin xarici dəstəyə ehtiyacı olmadığını və Ermənistanın təxribatlarına son qoyması üçün Azərbaycanın öz torpağında, öz vətəndaşlarını müdafiə etdyini bildirdi.
Ermənistanın Baş naziri hər dəfə olduğu kimi yalan məlumatlar yayır. Rusiya ictimaiyyəti həmin verilişdə bu fərqə diqqət yetirdi.
Verilişdə Azərbaycan Respublikasının Prezidentinin dürüst və dəqiq faktları qarşısında Ermənistan Baş naziri kloun qismində göründü.
Yalan uzun sürməz. Ermənilər nə qədər çox yalan danışacaqlarsa, yalanları ifşa olunacaq.
Bu gün Azərbaycan Silahlı Qüvvələri xalqımızın dəstəyi və Ali Baş Komandanın rəhbərliyi ilə Azərbaycan vətəndaşlarını qoruyur.
Azərbaycan öz torpaqlarını işğalçılardan azad edib. Eyni zamanda bunu bütün beynəlxalq hüquq normaları çərçivəsində edib. Dövlətimizin beynəlxalq hüquqa çox yüksək hörməti olub və bu istiqamətdə öz torpaqlarında cinayətkar, terroristlərlə azadlıq müharibəsi aparması fikrimcə Azərbaycanın yalnız sülhməramlı missiyasıdır.
Azərbaycan Ermənistanı sülhə məcbur edib.
Beynəlxalq təşkilatlar 30 ilə yaxındır hərəkətsiz idilər. Onlar anlamalıdır ki, sülhə gedən yol yalnız Azərbaycanın işğal olunmuş ərazilərinin azad olunmasından keçir".
Şəlalə Babayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş