"Düşmənin itkiləri qat-qat çoxdur" - DEPUTAT

Son günlər Azərbaycan-Ermənistan sərhədində baş verən döyüşlər xalqımızın qələbə əzmini daha da möhkəmləndirib.

Azərbaycan Ordusunun həyata keçirdiyi əks-hücum həmlə əməliyyatları nəticəsində işğal altındakı bir sıra kəndlər və əlverişli ərazilər azad olunub.

Bu barədə Sonxeber.az-a millət vəkili Cavid Osmanov açıqlama verib:

"27 Sentyabr sübh saatlarından Ermənistan tərəfinin növbəti genişmiqyaslı təxribatlarının qarşısı Azərbaycan ordusunun hərbi qulluqçuları tərəfindən alınıb və əks-hücum həmlələri nəticəsində bir sıra yaşayış məntəqələrimiz və strateji hündürlüklər düşmən işğalından azad edilib.

Müdafiə Nazirliyinin keçirdiyi brifinqlərdən və yaydığı videolardan hər birimiz əmin oluruq ki, Azərbaycan ordusu Ermənistanın işğalçı qüvvələrinə çox güclü zərbələr endirir. Düşmənin itkiləri qat-qat çoxdur. Həm canlı qüvvə, həm də hərbi silah-sursat, anbar və hərbi texnika baxımından çoxdur.

Azərbaycan ordusu uğurla irəliləyərək işğal altında olan torpaqlarımızı azad etməyə davam edir. Belə bir məqamda bir çox dünya dövlətləri bəyanatlarla çıxış edib tərəfləri danışıqlar prosesinə dəvət edirlər. Azərbaycan hər zaman bütün beynəlxalq normalara və qanunlara riayət edib, ATƏT-in Minsk qrupunun uzun müddət apardığı danışıqlar prosesinə sadiq olub. Lakin Azərbaycan öz haqlı istəyinə danışıqlar prosesində nail ola bilməyib. Çünki danışıqlar prosesini hər zaman erməni tərəfi müxtəlif cəhdlərlə pozub. Danışıqlar prosesində irəliləyişlər olduğu zaman Ermənistan rəsmiləri hər hansı bir təxribat xarakterli bəyənatlarla çıxış edib və ya cəbhə xəttində təxribatlar törədiblər. Belə olduğu halda danışıqlar prosesi dayanıb.

Azərbaycanın başqa dövlətlərin torpağında gözü yoxdur və heç bir dövlətin ərazisində hərbi əməliyyat aparmır. Azərbaycan haqlı olaraq öz ərazi bütövlüyünü bərpa etmək istəyir.
30 ilə yaxındır ki, işğal altında olan torpaqlarımızı azad etmək üçün döyüşlər aparılır. Bu gün artıq Azərbaycan ordusu irəliləməkdə davam edir".

Aysel Səmədli

Telegramda izləyin

instagramda izləyin