Ermənistanın muzdlu əsgər toplaması beynəlxalq hüquqa ziddir-Şair Ramaldanov

Azərbaycan Silahlı Qüvvələrinin zərbələri qarşısında ağır məğlubiyyətə uğrayan qondarma Dağlıq Qarabağ respublikası yeni qanun qəbul edib. Rejim yeni qanunla "professional ordu" qurmaq üçün pul qarşılığında əsgər və terrorçuları Dağlıq Qarabağa cəlb etmək istəyir. Yeni dəyişiklik qondarma respublikanın prezidenti Araik Arutyunyan tərəfindən təsdiqlənib. Qanun muzdlu əsgərlərə işğal altındakı ərazilərdə Azərbaycana qarşı döyüşmək şərti qoyur.

Bununla bağlı Sonxeber.az-a danışan ehtiyatda olan polkovnik Şair Ramaldanov bildirib ki, ermənilərin pulla əsgər toplaması təbii haldır:

"Çünki Ermənistan canlı qüvvə, hərbi texnika, silah-sursat cəhətdən çətinlik çəkir. Döyüş meydanında ermənilərin itkiləri çoxdur. Biz bu itkilər haqqında Müdafiə Nazirliyinin mətbuat xidmətinin verdiyi məlumatlardan da görürük.

Azərbaycan ordusu dəqiq atışı ilə erməniləri məhv edir. Azərbaycan torpağında həlak olan erməni gəncləri Ermənistanda əks səda doğurur. Eyni zamanda Ermənistanda əsgər anaları etiraz edir və dövlət qurumlarının qarşısında aksiya keçirirlər. Ona görə də Ermənistan guya könüllü şəkildə əhalini orduya çağırırmış kimi, orduya muzdlu əsgərlər cəlb edir.

Erməni ordusunda bütün ölkələrdən toplanan muzdlu əsgərlər də var. Əlbəttə, bu beynəlxalq hüquqa və konvesiyalara zidd addımdır. Elə torpaqlarımızın işğalı və Xocalıda törətdikləri soyqrımlar da beynəlxalq hüquqa ziddir. Ermənilər beynəxalq hüquqda və cinayət məcəlləsində elə bir maddə yoxdur ki, pozmasın. Bu da onların növbəti cinayət əməlidir".

Aysel Yusifqızı

Telegramda izləyin

instagramda izləyin