Füzuli şəhərinin işğaldan azad edilməsi bizə strateji üstünlük qazandırdı-POLİTOLOQ

Hazırda Ermənistan Ordusu bütün müqavimət imkanlarını itirib, nizamsız dəstələrə parçalanıb, şəxsi heyət arasında böyük ruh düşgünlüyü, inamsızlıq hökm sürür. Ermənistan hakimiyyəti və ordu rəhbərliyi prosesi idarə etmək imkanında deyillər.
Bu barədə Sonxeber.az-a politoloq Elxan Şahinoğlu açıqlama verib.
"Ermənistan hakimiyyətinin iki yolu var. Ya müqaviməti davam etdirmək, bu halda itkiləri artacaq, ya da ağ bayraq qaldırıb təslim olmaqdır. Təslim olacaqlarına inanmıram, ancaq ermənilərin böyük itkilərinin olduğunu artıq hazırlayırlar.
Bunu bir neçə gün öncə baş nazir Nikol Paşinyan qeyd etdi. Son günlər isə bu itkilərin olduğunu digər rəsmilər və hərbi hisslərə başçılıq edən zabitlər də etiraf edirlər demək ki, artıq öz ictimaiyyətini buna hazırlamağa başlayıblar.
Bu gün prezidentin elan etdiyi kimi Füzuli şəhərinin işğaldan azad edilməsi bizə strateji üstünlük qazandırır. Xankəndi və Şuşa məsafəsi bizim üçün qısalır. Düşünürəm ki, bu təzyiqimiz artdıqca Ermənistan Azərbaycanla anlaşmağa çalışacaq ki, itkilərinin sayını azalda bilsin".

Aysel Səmədli

Telegramda izləyin

instagramda izləyin