Ordumuz düşməni döyüş meydanında məhv edir-AÇIQLAMA

Bu gün Ermənistan tərəfindən hərbi cinayətə və dövlət səviyyəsində həyata keçirilən terror siyasətinə məruz qalmış Gəncə əhalisi, ümumilikdə bütün xalqımız heç vaxt olmadığı kimi nikbindir, torpaqlarımızın azad olunması uğrunda aparılan hərbi əməliyyatların məntiqi sonluğadək davam etdirilməsini istəyir və tələb edir.

Bununla bağlı Sonxeber.az-a danışan deputat Nəsib Məhəməliyev bildirib ki, Ermənistan ərazisindən Azərbaycanın ikinici şəhəri olan Gəncənin mülki əhalisinin balistik raketlərlə vurulması bir daha onun terrorçu dövlət olduğunu bir daha təsdiqlədi:

"Çox təəssüf ki, 11 oktyabrdakı təxribatdan sonra beyəlxalq təşkilatlar susqunluq nümayiş etdirdi. Baxmayaraq Azərbaycanda olan diplomatik nümayəndəliklərin, səfirliklərin və təşkilatların nümayədələri Gəncəyə gedərək faciə ilə elə yerində tanış olmuşdular.

Amma işğalçıya qarşı heç bir kəskin reaksiyası olmadı. Bunun nəticəsində də Ermənistanın cinayətkar hərbi, siyasi rəhbərliyi vəhşiliklərini davam etdirdirir. Bilirsiniz ki, Gəcədən öncə ermənilər dəfn mərasimi zamanı Tərtər qəbirsanlığını bombaladılar. Bu bir daha sübut edir ki, bu millət xəstədir, terrorçudur, ancaq silah dilini başa düşürlər. Onlarla başqa dildə danışmaq mümkün deyil. Hesab edirəm ki, bizim hüquq mühafizə orqanları bütün baş verən təxribatları sənədləşdiriblər. Zaman gələcək erməni hərbi və siyasi rəhbərliyi bütün törətdikləri cinayətlərin cavabını verəcəkdir".

Deputat vurğulayıb ki, çox böyük məmnuniyyət hissi ilə cənab prezidetimizin xalqa müraciətini dinlədik:

"Füzuli şəhərinin və bir neçə kəndin azad olunması ilə bağlı verdiyi xoş xəbər Azərbaycan xalqının ürəyincə oldu. Cənab prezidentin söylədiyi kimi bizim Ermənistandan fərqimiz ondadır ki, biz sivilləri, mülki əhalini atəşə tutmuruq. Bizim mübarizəmiz sadəcə erməni ordusu ilədir. Biz döyüş meydanında qisasımızı alır, işğal altında olan torpaqlarımızı işğaldan azad edirik. Ermənistan Azərbaycanın mülki əhalisini atəşə tutmaqla fikirləşir ki, onların bu addımı insanlarımızı panikaya salacaq, nikbinliyini itirib yaşadıqları şəhərlərdən qaçacaqlar. Ancaq qəhrəman Gəncə camaatı birinci dəfə olduğu kimi yenə də mətnliyini saxlayır. 10 milyon Azərbaycan xalqı da onlarladır. Gəncə əhalisi və ümumilikdə bütün Azərbaycan xalqı nikbindir, torpaqlarımızın azad olunması uğrunda aparılan hərbi əməliyyatların sonadək davam etməsini istəyir.

Artıq Ermənistanın qarşısındakı 90-cı illərin əvvəllərindəki Azərbaycan dövləti deyil, bu gün inkişaf etmiş iqtisadiyyata və güclü orduya malik Azərbaycan dövləti var. Biz düşməni döyüş meydanında məhv edəcəyik.Azərbaycan Ermənistandan fərqli olaraq qadınlarla, uşaqlarla və qocalarla vuruşmur. Bu gün Azərbaycan Ermənistanın əsgərlərini və zabitlərini məhv edir. Hesab edirəm ki, böyük qələbə yaxındadır. Mən bütün füzuliləri və Azərbaycan xalqını bu gözəl qələbə münasibəti ilə təbrik edirəm. Şəhidlərimizə və Gəncədə həlak olan soydaşlarımıza Allahdan rəhmət dilləyirəm".

Aysel Yusifqızı

Telegramda izləyin

instagramda izləyin